გურამ ქევანიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1953 წელს.

1954-1955წწ. მიავლინეს მოსკოვის სახელმწიფო უნივერსიტეტში ფიზიკის კურსების მსმენელად; 1955 წლიდან - თბილისის სახელმწიფო უნივერსიტეტის რადიოფიზიკის კათედრის ასისტენტი; 1965 წელს დაიცვა საკანდიდატო დისერტაცია; 1976 წლიდან - დოცენტი; უნივერსიტეტში მუშაობის პერიოდში კითხულობდა ლექციებს შემდეგ საგნებში: რადიოტექნიკის საფუძველი, იმპულსური ტექნიკა, რხევათა თეორია, გამომსხივებელი სისტემები, რადიოტალღების გავრცელება, ზემაღალ სიხშირეთა ფიზიკა, ელექტროდინამიკა; 1982 წლიდან - საქართველოს პოლიტექნიკური ინსტიტუტის ზოგადი ფიზიკისა და რადიოფიზიკის კათედრის გამგე; 1984 წელს ხარკოვის უნივერსიტეტში დაიცვა სადოქტორო დისერტაცია; 1986 წელს მიენიჭა პროფესორის სამეცნიერო წოდება. მისი სამეცნიერო მოღვაწეობა მოიცავს რადიოფიზიკის სხვადასხვა დარგებს: არაწრფივ რხევთა თეორია, ელექტრომაგნიტური ტალღების დიფრაქცია და გავრცელება, ცოცხალ ორგანიზმებზე (ბიოლოგიურ ელემენტებზე) დაბალსიხშირული ელექტრომაგნიტური ველის მოქმედების პირველადი ფიზიკური მექანიზმის განსაზღვრა. გამოქვეყნებული აქვს 150-ზე მეტი შრომა. არის მრავალი სახელმძღვანელოს ავტორი თავის სპეციალობაში. მათი უმეტესობა ძირითადი სახელმძღვანელოა რადიოტექნიკისა და კავშირგაბმულობის სპეციალობებში.

სადოქტორო დისერტაციის თემა - "ორთოგონალურ ფუნქციათა მეთოდი დიფრაქციის თეორიაში", დაიცვა 1984 წელს (ქ. ხარკოვი).

წყარო: საქართველო ინფორმატიზაციის სათავეებთან / იდეის ავტორები: ივ. გორგიძე, ალ. გრიგოლიშვილი, ნ. იაშვილი.-თბ.,2017.-გვ.297

• აშშ ელექტრული და ელექტრო-საინჟინრო ინსტიტუტი (IEEF), სამეცნიერო წევრი
• საქართველოს ეკოლოგიურ მეცნიერებათა აკადემია, ნამდვილი წევრი

• შენელებული ელექტრომაგნიტური ტალღები (ავტორი). - თბილისი, ტექნ. უნ-ტი, 2000. - 59გვ.. - ISBN: 9992878401
• ზოგადი ფიზიკის სწავლების მეთოდიკის ზოგიერთი საკითხი უმაღლეს ტექნიკურ სასწავლებლებში (თანაავტორი). - თბილისი, თბილ. უნ-ტის გამ-ბა, 1985. - 92გვ.