კლარა ხოჭოლავა

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტი.

სტუდენტობის პერიოდში მუშაობდა რკინიგზის საავადმყოფოს ქირურგიული საავადმყოფოს ექთნად, ხოლო თსსის დამთავრების შემდგომ იქვე განაგრძო ქირურგად მუშაობა; 1939-1940წწ. მოხალისედ წავიდა სსრკ-ფინეთის ომში; 1941-1945წწ. იმყოფებოდა მეორე მსოფლიო ომში, ჯერ ფეხოსანი დივიზიის სანიტარული ბატალიონის საოპერაციო ბლოკის, შემდეგ - სამედიცინო სანიტარული ბატალიონის წამყვანი ქირურგი გახდა; 51-ე გვარდიის დივიზია, რომლის ქირურგიც იყო აქტიურად ჩაერთო სტალინგრადის ბრძოლებში; იბრძოდა კურსკთან, ორიოლთან, ბელგოროდთან, უკრაინაში, ბალტიისპირეთში; 1946 წლიდან სიცოცხლის ბოლომდე მუშობდა ამიერკავკასიის რკინიგზის საავადმყოფოს ქირურგიულ განყოფილებაში; სარაიონო და საქალაქო საბჭოს რამდენიმე მოწვევის დეპუტატი. რესპუბლიკური მნიშვნელობის პერსონალური პენსიონერი, გვარდიის თადარიგის მაიორი, დაჯილდოებული იყო სახელმწიფო ჯილდოებით.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.336-337; მებრძოლთა დედა / მაყვალა მრევლიშვილი // სამშობლოს ხმა :უცხოეთში მცხოვრებ თანამემამულეებთან კულტუტურული კავშირის საქართველოს  საზოგადოების გამოცემა .- 1965.- სექტემბერი.- № 14 (132).-გვ.4-5; კლარა ხოჭოლავა : საქ. სსრ დამსახურებული ექიმი. ნეკროლოგი. 1909 - 1988 //თბილისი, 1988.- 27 აპრილი

• საქართველოს დამსახურებული ექიმი
• საპატიო რკინიგზელი
• სამამულო ომის II ხარისხის ორდენი
• სამამულო ომის I ხარისხის ორდენი
• წითელი ვარსკვლავის ორდენი