რევაზ ჭანტურია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტის 1960 წელს.

1961-1962წწ. მუშაობდა ახმეტის რაიონის ტუბდისპანსერში - ქირურგად და ექიმ ფთიზიატრად, შემდეგ გადავიდა ამავე რაიონის სოფელ დუისის ამბულატორიის გამგედ (1962); 1962-1964წწ. რუსთავის ქალაქის საავადმყოფოს, შემდეგ კი პოლიკლინიკის ექიმ-ტრავმატოლოგად, რუსთავის სადღეღამისო ტრავმატოლოგიური პუნქტის გამგედ; აქვე -ტრავმატოლოგიური პუნქტის ქირურგ-ტრავმატოლოგად (1964-1966); 1966-1967წწ. იყო თბილისის ცენტრალური სასწრაფო დახმარების სადგურის შოკის ბრიგადის ექიმი-ქირურგი; 1967-1970წწ. თბილისის N3 სასწრაფო დახმარების საავადმყოფოს ექიმი-ქირურგი; 1970-1985წწ. თბილისის ექიმთა დახელოვნების სახელმწიფო ინსტიტუტის გულმკერდის ქირურგიის განყოფილების ექიმი-ორდინატორი; აქვე - მეორე ქირურგიული განყოფილების ექიმი-ქირურგი (1980-1990); 1980-1983წწ. თბილისის ექიმთა დახელოვნების ინსტიტუტის ქირურგიული კათედრის ასპირანტი; 30 სამეცნიერო ნაშრომის და 2 გამოგონების ავტორი. მისი ნაშრომები ეხება პრაქტიკული ქირურგიის მნიშვნელოვან საკითხებს. აქტიურად მონაწილეობდა სხვადასხვა ქირურგიული კონფერენციებისა და ყრილობების მუშაობაში. ქირურგი, მედიცინის მეცნიერებათა კანდიდატი (1983).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.368-369