ჯანიკო მანჯგალაძე

დაბადების ადგილი: სოფელი ღანირი, სამტრედიის რაიონი.

დაამთავრა თბილისის მედ-ლაბორანტების სკოლა მედ-ლაბორანტის სპეციალობით 1948 წელს; მარქსიზმ-ლენინიზმის საღამოს უნივერსიტეტი 1952 წელს. 

1941-1946წწ. მუშაობდა სოფელ ღანირის პიონერხელმძღვანელად; 1948-1979წწ. იყო ქ. თბილისის I კლინიკური საავადმყოფოს მედ-ლაბორანტი; 1979-1993წწ. აქვე - კლინიკის უფროსი მედდა; 1989-1990წწ. საავადმყოფოს მედსტატისტიკოსი; 1996-2007წწ. საავადმყოფოს კანცელარიის გამგე; საატესტაციო კომისიის მიერ, კვალიფიკაციის ორჯერ გავლის შემდგომ მიენიჭა კლინიკურ-დიაგნოსტიკური ლაბორატორიის პირველი კატეგორია (1982, თბილისი), მედდის პირველი საკვალიფიკაციო კატეგორია (1990, თბილისი); სპეციალიზაციის ციკლი სპეციალობაში კლინიკო ლაბორანტი (1991, თბილისი). ეწეოდა აქტიურ საზოგადოებრივ მოღვაწეობას, იყო: 1973-1975წწ. რაიონული საბჭოს მშრომელთა დეპუტატების 26 კომისრის სახელობის რაიაღმასკომის მე-14 მოწვევის დეპუტატი; 1954-1958წწ. საავადმყოფოს კომკავშირის კომიტეტის მდივანი; 1979 წლიდან კლინიკის ადმინისტრაციული განყოფილების პარტორგანიზაციის მდივანი; კლინიკის მედდების საბჭოს ხელმძღვანელი; სამედიცინო სამსახურის უმცროსი ლეიტენანტი.

წყარო:  საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.448-449

• კლინიკის მედდების პარტორგანიზაცია, მდივანი (1979-)
• კლინიკის მედდების საბჭო, ხელმძღვანელი
• რაიონული საბჭოს მშრომელთა დეპუტატების 26 კომისრის სახელობის რაიაღმასკომის მე -14 მოწვევა, დეპუტატი (1973-1975)
• საავადმყოფოს კომკავშირის კომიტეტი, მდივანი (1979-)
• სამედიცინო სამსახური, უმცროსი ლეიტენანტი

• 1973 - სამკერდე ნიშანი "სამედიცინო სამსახურის წარჩინებული"
• 1970 - მედალი "შრომითი წარჩინებისთვის"
• 1946 - მედალი "1941-1945 წლებში დიდ სამამულო ომში მამაცური შრომისთვის"