მანანა ლომაძე

დაბადების ადგილი: ქ. ლანჩხუთი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1974 წელს.

მუშაობდა საქტელერადიოკომიტეტში შტატგარეშე კორესპონდენტად; იყო სტუდია "პუბლიცისტში" სატელევიზიო გადაცემა "თბილისი და თბილისელების" უმცროსი რედაქტორი; 1974 წლიდან უფროსი რედაქტორი; მომზადებული აქვს ასობით საინფორმაციო სიუჟეტი, ჩანახატი, რეპორტაჟი, 200–ზე მეტი საავტორო გადაცემა; დააარსა გადაცემათა ციკლი "თბილისური სალონი", არის რადიონარკვევების, საგაზეთო პუბლიკაციების ავტორი; მისი ინიციატივით საქართველოში ჩამოყალიბდა ბერძნულ-ქართული საინფორმაციო კულტურული ცენტრი "გეორგია-ელადა", ამზადებს ტელეგადაცემებს; არის ავტორი ვიდეოფილმებისა "თბილისი-კონსტანტინეპოლი", "ბერძნული დიასპორა, რეალობა, პერსპექტივა". იგი დღემდე ერთადერთი ჟურნალისტია, რომელიც დედაქალაქის კეთილდღეობისათვის გაწეული ღვაწლისა და აქტუალური გადაცემების მომზადებისათვის დაჯილდოებულია ფესტივალის "თბილისური გაზაფხულის" პრიზით – საუკეთესო ჟურნალისტის ნომინაციაში (1996).

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.229

• საქართველოს ჟურნალისტთა ფედერაცია, წევრი (1984-)