გივი რობაქიძე

1991 წელს ჩაირიცხა საქართველოს ეროვნულ გვარდიაში. 1992 წლის 7 ივნისს მოხალისედ წავიდა სამაჩაბლოში ბატალიონ "ავაზას" შემადგენლობაში. სამაჩაბლოში ყოფნის დროს ჟურნალისტმა გიორგი იოსებიძემ გივი რობაქიძისგან აიღო ინტერვიუ "სად გაჩერდება დაგორებული ქვა" (გაზეთი "დრონი", 1992 წლის 10  ივლისი). სამაჩაბლოდან დაბრუნების შემდეგ უმაღლეს სასწავლებელში ჩააბარა მისაღები გამოცდები (ის კარგად ფლობდა ინგლისურ ენას). ამ დროისათვის ბატალიონ "ავაზას" გვარდიელები გადიოდნენ მომზადებას, 1992 წლის 18 აგვისტოს ბატალიონი "ავაზა" წავიდა აფხაზეთში. დაიღუპა 1992 წლის 19 აგვისტოს. საქართველოს ტერიტორიული მთლიანობისათვის მებრძოლი სამაჩაბლოსა და აფხაზეთის ომში. 

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.362-370

• ვახტანგ გორგასლის II ხარისხის ორდენი (გარდაცვალების შემდეგ)