მიხეილ მირიანაშვილი

დაბადების ადგილი: სოფელი კურდღელაური, თელავის რაიონი.

მიხეილ მირიანაშვილი მე-19 საუკუნის 90-იან წლებში სწავლობდა პოლონეთში, ვარშავის ვეტერინარულ ინსტიტუტში, საიდანაც აქტიური რევოლუციური მოღვაწეობისათვის (იყო "საქართველოს განთავისუფლების ლიგის" აღმასრულებელი მდივანი) გარიცხეს და დააპატიმრეს. ვეტერინარის დიპლომი ყაზანის უნივერსიტეტში აიღო. მიხეილ მირიანაშვილი 1906-1912 წლებში მსახურობდა განჯის (ყაზახი, ელისაბედპოლი) გუბერნიის სამაზრო ქალაქ აღსტაფაში ექიმ–ვეტერინარად. იგი ფართო პრაქტიკული და სამეცნიერო–პროპაგანდისტულ საქმიანობას ეწეოდა ვეტერინარიის დარგში, რისი დასტურიცაა 1925–1932 წლებში მის მიერ გამოქვეყნებული ბროშურები შინაური ცხოველების დაავადებათა მკურნალობის შესახებ. ფიზიკოსების გრიგოლ და მათე მირიანაშვილების მამა.

• შინაური ცხოველების ციებ-ცხელება (პიროპლაზმოზი). (ავტორი). - ტფილისი, სახელგამის გა-მა, 1931. - 32გვ.
• ციმბირის წყლული (ავტორი). - ტფილისი, საბჭოთა კავკასიონი, 1925. - 16გვ.
• ღორის ავადმყოფობანი (ავტორი). - ტფილისი, საბჭოთა კავკასიონი, 1925. - 24გვ.
• საქონლის ჭირი (ავტორი). - ტფილისი, საბჭოთა კავკასიონი, 1925. - 16გვ.
• თურქული (ავტორი). - ტფილისი, საბჭოთა კავკასიონი, 1925. - 14გვ.