ალექსანდრე ყანჩელი

დაბადების ადგილი: ქ. ფოთი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1921 წელს.

1924 წელს მუშაობა დაიწყო რკინიგზის სკოლების ბავშვთა ექიმად; საქართველოს ჯანდაცვის სამინისტროს ბავშვთა ჯანდაცვის ინსპექტორად, ორგანიზაციას უწევდა ბავშვთა პირველ სანატორიუმებს: კოჯორში, სურამში, ბაკურიანში; დააარსა ბავშვთა პირველი სახლები, ოთახები. სათავეში ჩაუდგა საქართველოში პიონერთა ბანაკების ორგანიზაციას. იყო ჯანსახკომის დედათა და ბავშვთა სამკურნალო-პროფილაქტიკური დახმარების სამმართველოს უფროსი; მთავარი სახელმწიფო სანიტარული ინსპექტორი სასკოლო ჰიგიენის ხაზით. მისივე მონაწილეობით იქმნება საბავშვო საავადმყოფოები, პოლიკლინიკები, მოზარდთა კაბინეტები. 1931 წლიდან არის ბავშვთა და მოზარდთა ჯანმრთელობის დაცვის სამეცნიერო-კვლევითი ინსტიტუტის ჰიგიენის განყოფილების გამგე; თბილისის სახელმწიფო სამედიცინო ინსტიტუტის სასკოლო ჰიგიენის კათედრის დოცენტი; 1941 წლიდან სან-ჰიგიენური ფაკულტეტის ბავშვთა და მოზარდთა ჰიგიენის კათედრის გამგე; ავტორია 85 სამეცნიერო ნაშრომისა და 3 მონოგრაფიის. მედიცინის მეცნიერებათა დოქტორი (1963), პროფესორი (1964). პედიატრი, ბავშვთა ჰიგიენისტი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.612-613 

• მოსწავლეთა ანატომიურ-ფიზიოლოგიური თავისებურებებისა და ინდივიდუალური ჰიგიენის ზოგიერთი საკითხები : მოსწავლეთა და მშრომელთა დასახმარებლად (Author). - თბილისი, ინ-ტის გამ-ბა, 1951. - 30გვ.
• ჰიგიენისა და ფიზიკური აღზრდის საკითხები საბავშვო ბაღში : ჰიგიენა საბავშვო ბაღში (Author). - თბილისი, ინ-ტის გამ-ბა, 1950. - 60გვ.