ალექსანდრე რუხაძე

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1925 წელს.

1955-1964წწ. იყო თბილისის სახელმწიფო სამედიცინო ინსტიტუტის სამკურნალო ფაკულტეტის დეკანი, ნერვულ სნეულებათა კათედრის პროფესორი; იმავდროულად იყო რესპუბლიკის მთავარი ნევროპათოლოგი; მან შეიმუშავა ტუბერკულოზური მენინგიტის დროს თავისა და ზურგის ტვინის სითხეში გლობულინების აღმოჩენის რეაქცია, რაც მეცნიერებაში მისი სახელით დამკვიდრდა. დაწერილი აქვს ნევროპათოლოგიაში სახელმძღვანელოები ("ვეგეტატიური ნერვული სისტემის სიმპტომატოლოგია" 1941; "ნევროპათოლოგია", 1957). მედიცინის მეცნიერებათა დოქტორი (1951), პროფესორი (1955). 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.644-645

• 1961 - საქართველოს მეცნიერებათა დამსახურებული მოღვაწე

• ნევროპათოლოგია : ნაწ. 1, პროპედევტიკა. (ავტორი). - თბილისი, საქმედგამი, 1956. - 400გვ.
• ნერვულ სნეულებათა პროპედევტიკა (ავტორი). - თბილისი, საქმედგამი, 1953. - 414გვ.
• ვეგეტატიური ნერვული სისტემის სიმპტომატოლოგია : დამხმარე სახელმძღვანელო სტუდენტთა და ექიმთათვის (ავტორი). - თბილისი, საქმედგამი, 1949. - 244გვ.