პავლე ბაკურაძე

დაბადების ადგილი: სოფელი ზნაკვა, ამბროლაურის რაიონი.

დაამთავრა მილიციის უმაღლესი აკადემია; საქართველოს კომპარტიის ცენტრალური კომიტეტის უმაღლესი სკოლა.

სკოლის დამთავრების შემდეგ გაიწვიეს დიდ სამამულო ომში და მონაწილეობას ღებულობდა გერმანელი დამპყრომბლების წინააღმდეგ ბრძოლებში. 1945 წელს მუშაობდა ამბროლაურის შსს რაიონულ განყოფილებაში, შემდეგ გადაიყვანეს პარტიის ამბროლაურის რაიონულ კომიტეტში; 1964-1990წწ. ამბროლაურის რაიონის საგზაო საწარმოს უბნის უფროსი, საწარმოს ხელმძღვანელი; 1992 წლიდან ხელმძღვანელობდა ჯერ ამბროლაურის რაიონის ვეტერანთა კავშირს, ხოლო შემდეგ რაჭა-ლეჩხუმის და ქვემო სვანეთის რეგიონალურ შრომისა და ომის ვეტერანთა ბიუროს. მიღებული ჰქონდა მრავალი სახელმწიფო ჯილდო.

წყარო: ჩვენი რაჭა / ირაკლი დვალი.-თბ.,2008.-გვ.75

• საქართველოს დამსახურებული მშენებელი
• ღირსების ორდენი