იური ჭანტურია

დაბადების ადგილი: სოფელი კვათანა, აბაშის რაიონი.

დაამთავრა სოხუმის სუბტროპიკული მეურნეობის ინსტიტუტის სუბტროპიკული ფაკულტეტი 1964 წელს; თბილისის სახელმწიფო უნივერსიტეტის იურიდიული ფაკულტეტი 1980 წელს.

1969-1971წწ. მუშაობას შეუდგა აბაშის რაიონის სოფელ ტყვირის ი. სტალინის სახელობის კოლმეურნეობაში - თავმჯდომარედ; შემდგომ აბაშის რაიონის სოფლის მეურნეობის სამმართველოს უფროსად (1971); ამ პერიოდში დაიწყო საკავშირო მასშტაბით გახმაურებული აბაშის რაიონის სოფლის მეურნეობის დარგში წარმოებული ექსპერიმენტი, რის წარმართვაში იური ჭანტურიას მიუძღოდა დიდი წვლილი; 1981-1992წწ. ქ. თბილისში საზღვარგარეთიდან ჩამოსული სტუმრებისა და დელეგაციების, მთავრობის რეზიდენციებისა და სამთავრობო სტრუქტურებისათვის სოფლის მეურნეობის პროდუქტებით უზრუნველყოფისათვის გამოყოფილი გარდაბნის რაიონის 700 ჰექტარი მიწის ფართობზე შექმნილი მთავრობის მეურნეობის გენერალური დირექტორი; 1992-2008წწ. იყო გაერთიანების მმართველი; ცნობილი მკურნალის ვაჟა ივერიელის მიწვევით იგი 90-იან წლებში არჩეულ იქნა საქართველოს დიაბეტური ასოციაციის "სადა"-ს ვიცე პრეზიდენტად, მოგვიანებით კი პრეზიდენტად (1999); მიღებული ქონდა მრავალი მადლობა, სიგელი და ორდენი. 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.710-712

• აბაშის რაიონის მშრომელთა დეპუტატების რაიონული საბჭოს აღმასკომი, თავმჯდომარე (1971-1981)

• 1980 - ლენინის ორდენი
• 1970 - შრომის წითელი დროშის ორდენი