კუკური ჩაჩიბაია

დაბადების ადგილი: ქ. სენაკი.

დაათავრა სერგო ორჯონიკიძის სახელობის მოსკოვის საინჟინრო ეკონომიური ინსტიტუტი-ინჟინერ ეკონომისტის სპეციალობით.

1956-1959წწ. მუშაობდა ყაზახეთში ტუკუზაკში კოლმეურნეობის მექანიკოსად; 1959-1962წწ. სენაკის ავტოსატრანსპორტო კანტორის ავტოკოლონის უფროსად; 1962-1965წწ. სახელმწიფო დაზღვევის სტატისტიკის სენაკის ტერიტორიულ ინსპექციაში ინსპექტორის თანამდებობაზე, 1966 წელს სამუშაობას იწყებს საქართველოს სასოფლო მშენებლობის სამინისტროს სენაკის M5 ტრესტის M12 მოძრავ მექანიზირებული კოლონიის სამუშაოთა მწარმოებლად;  1969 წლიდან მუშაობას აგრძელებს ამავე ტრესტის საწარმოო ტექნიკური კომპლექტაციის სამმართველოს უფროსად;  1971 წელს მუშაობას იწყებს სენაკის საქალაქო საბჭოს აღმასკომის კომსაწარმოთა კომბინატის მთავარ ინჟინრად, საიდანაც გადაჰყავთ საქართველოს კომპარტიის სენაკის რაიკომის ინსტრუქტორად; 1975 წელს არის სენაკის პარტიის რაიკომის მშენებლობისა და ტრანსპორტის განყოფილების გამგე, რომელიც კურირებას უწევდა მრეწველობის, მშენებლობის, ვაჭრობისა და ტრანსპორტის სამსახურებს; 1976-1984წწ. იყო სამომხმარებლო კოოპერაციის (ცეკავშირის) სენაკის რაიკავშირის გამგეობის თავმჯდომარე; მის მიერ მოძიებულ იქნა და აშენდა სოფლების: ხორშის, ნოსირის და უშაფათის სავაჭრო ცენტრები; დაპროექტდა და ექსპლუატაციაში შევიდა 24 ტონიანი პურსაცხობი სოფელ კოტიანეთში, ჭალადიდში, ხორშის მოსახლეობისთვის 18 კმ-ზე გაყვანილ იქნა წყალსადენი; თანამედროვე დიზაინით მოხდა ნოქალაქევისა და სახარბედიოს რესტორნების რეკონსტრუქცია, იგი აქტიურად მონაწილეობდა ქალაქ სენაკის თანამედროვე იერსახის შექმნისათვის; 1984-1990წწ. მუშაობდა სენაკის სპეცსარემონტო სამშენებლო სამმართველოს უფროსად. ოთხჯერ იყო არჩეული სენაკის საქალაქო საბჭოს დეპუტატად.

წყარო: სენაკის საპატიო მოქალაქეები / ანზორ ცაგურია, ვაჟა დანელია. - სენაკი, 2020. -გვ.245

• სენაკის საპატიო მოქალაქე