გიორგი გაგოშიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი ხელოვნების ისტორიის განხრით და ამავე უნივერსიტეტის მეორადი ფაკულტეტი ფერწერის მიმართულებით 1980 წელს. 

1981 წლიდან მუშაობს საქართველოს ეროვნული მუზეუმის და შალვა ამირანაშვილის სახელობის ხელოვნების მუზეუმში; 1996 წლიდან "ქვის ფონდის" მცველი, ხოლო 2000 წლიდან საგანძურის გნყოფილების გამგეა; 2006 წლიდან  საქართველოს ეროვნულ მუზეუმში შუა საუკუნეების ხელოვნების კოლექციების უფროსი კურატორია; 1995 წელს აირჩიეს საპატრიარქოსთან არსებული ხუროთმოძღვრების, ხელოვნებისა და რესტავრაციის მეთოდური საბჭოს წევრად, გარდა ამისა იგი არჩეული იყო საქართველოს კულტურის, ძეგლთა დაცვისა და სპორტის სამინისტროს უძრავი ძეგლების, ჟურნალ "საქართველოს სიძველენის" სარედაქციო კოლეგიის და ჟურნალ ხელოვნების მუზეუმის "ნარკვევების" სარედაქციო კოლეგიის წევრად. ის სხვადასხვა დროს მონაწილეობდა მნიშვნელოვან სახელოვნებათმცოდნე და არქეოლოგიურ ექსპედიციაში საქართველოში, თურქეთში, კვიპროსში, ისრაელში, იორდანიაში, სომხეთსა და აზერბაიჯანში. ლექციებს კითხულობს თბილისის სახელმწიფო სამხატვრო და თბილისი სასულიერო აკადემიებში. გამოქვეყნებული აქვს 30-ზე მეტი ნაშრომი, მათ შორის სამი მონოგრაფია.

წყარო: ჩვენი რაჭა / ირაკლი დვალი.-თბ.,2008.-გვ.99

• Трусо - исторические и этнокультурные проблемы (თანაავტორი). - თბილისი, Национальная АН Грузии, 2021. - 162გვ.. - ISBN: 9789941838293
• კავკასია აღმოსავლეთსა და დასავლეთს შორის, II = Caucasus between East and West, II : ისტორიულ-ფილოლოგიური ძიებანი, მიძღვნა ზაზა ალექსიძის დაბადების 85 წლისთავისადმი (თანაავტორი). - თბილისი, კორნელი კეკელიძის სახ. საქართველოს ხელნაწერთა ეროვნული ცენტრი, 2021. - 5776გვ.. - ISBN: 9789941973079
• თრუსო : ისტორიული და ეთნოკულტურული პრობლემები (თანაავტორი). - თბილისი, (სტამბა შპს "ძავა-პოლიგრაფი", 2021. - 240გვ.. - ISBN: 9789941829864
• დირბის ღმრთისმშობლის მიძინების მონასტერი : ხუროთმოძღვრება, წარწერები, რელიეფები (ავტორი). - თბილისი, 2006. - 259გვ.. - ISBN: 9992882964