ნორა გადელია

დაბადების ადგილი: ქ. სენაკი.

დაამთავრა ბათუმის შ. რუსთაველის სახელობის პედაგოგიური ინსტიტუტი ქართული ენისა და ლიტერატურის ფაკულტეტი.

მუშაობა დაიწყო ქობულეთის რაიონში; 1962 წლის პირველ სექტემბერს სენაკის მე-5 საშუალო სკოლაში ქართული ენისა და ლიტერატურის მასწავლებლად დაინიშნა, შემდეგ ამავე სკოლაში 1974 წლამდე დირექტორის მოადგილე იყო; 1979 წელს  მუშაობა დაიწყო ქალაქ ცხაკაიას მე-2 საშუალო სკოლაში; 1981 წლამდე იყო სკოლის დირექტორის მოადგილე კლასგარეშე მუშაობის დარგში; 2010 წლამდე ქართულ ენასა და ლიტერატურას ასწავლიდა, პარალელურად კერძო სკოლა "ალბიონშიც" მუშაობდა; 1984 წელს გახდა უფროსი მასწავლებელი; 1989 წელს კი საქართველოს განათლების მინისტრის ბრძანებით "მასწავლებელ-მეთოდისტის" წოდება მიენიჭა. 1965 წელს რაიონული საბჭოს, I967-1969წწ. იყო საქალაქო საბჭოს დეპუტატი. განათლების სისტემაში ხანგრძლივი და ნაყოფიერი მოღვაწეობისთვის დარგობრივი პროფკავშირის მიერ დაჯილდოებულია სიგელებით.

წყარო: სენაკის საპატიო მოქალაქეები / ანზორ ცაგურია, ვაჟა დანელია. - სენაკი, 2020. -გვ.255

• 1978 - სამკერდე ნიშანი "სახალხო განათლების წარჩინებული"
  ნაყოფიერი მუშაობისთვის
• სენაკის საპატიო მოქალაქე
• შრომის ვეტერანი