გრიგოლ მგალობლიშვილი

დაბადების ადგილი: სოფელი კარისყური, ახლანდელი გონებისკარი, ოზურგეთის მუნიციპალიტეტი.

დაამთავრა ქუთაისის რეალური სასწავლებელი და ელისავეტგრადის საკავალერიო სასწავლებელი.

დაიბადა ჩინოვნიკის ოჯახში. მსახურობდა ნიჟეგოროდის მე-17 დრაგუნთა, შემდეგ - ტვერის მე-16 დრაგუნთა პოლკში. პირველი მსოფლიო ომის (1914-1918) დროს იბრძოდა დასავლეთის ფრონტზე (დაიჭრა 1916 წელს), შემდეგ მონაწილეობდა გენერალ ნიკოლოზ ბარათოვის ექსპედიციაში სპარსეთში. 1918 წლიდან პოლკოვნიკის წოდებით მსახურობდა საქართველოს ჯარში. 1919-1920წწ. იყო ქართველ მუსულმანთა ცხენოსანი დივიზიონის უფროსის მოადგილე. 1921 წლიდან ემიგრაციაში იყო. მისი და ოლღა ცოლად ჰყავდა ქართველ პოლიტიკურ მოღვაწეს, ევგენი გეგეჭკორს. პოლკოვნიკი.

წყარო: რუსეთის საიმპერატორო არმიის ოფიცრები: ria1914.info

• 1916 - წმინდა სტანისლავის II ხარისხის ორდენი (ხმლებით)
• 1915 - წმინდა სტანისლავის III ხარისხის ორდენი (ხმლებით და ბაფთით)
• 1915 - წმინდა ანას IV ხარისხის ორდენი (წარწერით "მამაცობისთვის")
• 1915 - წმინდა ანას III ხარისხის ორდენი (ხმლებით და ბაფთით)