იური მეიშვილი

დაბადების ადგილი: ქ. სამტრედია.

დაამთავრა თბილისის რკინიგზის ტრანსპორტის საინჟინრო ინსტიტუტი და მიენიჭა რკინიგზის ტრანსპორტის ინჟინრის კვალიფიკაცია.

სამუშაოდ უკრაინაში, დონეცკის ოლქში გაანაწილეს; უკრაინიდან დაბრუნების შემდეგ მუშაობდა თბილისის სხვადასხვა სამრეწველო საწარმოში, სამეცნიერო-კელევით ინსტიტუტში და სახელმწიფო უწყებაში; შესამჩნევ წარმატებებს მიაღწია ახალჩამოყალიბებულ ქარხანა "ელექტროიზოლიტში", სადაც ინჟინერ-ტექნოლოგის თანამდებობაზე მუშაობდა, შემდგომ ამავე ქარხნის დირექტორად დააწინაურეს; 1975 წლიდან - თბილისის ელექტროშემდუღებელი მოწყობილობების ქარხნისა და ქარხანასთან არსებული სამეცნიერო-კვლევითი ინსტიტუტის გენერალური დირექტორი; 1980 წლიდან - თბილისის ელექტრონული გამოთვლითი ტექნიკის ქარხნის დირექტორი; მოგვიანებით ამ ქარხნის ბაზაზე ჩამოყალიბებული საწარმოო გაერთიანება "ორიონის" გენერალური დირექტორი; 1991 წლიდან - საქართველოს მრეწველობის სამინისტროს მთავარი სამმართველოს უფროსი, მინისტრის პირველი მოადგილე; 2010 წლიდან საქართველოს ტექნიკურ უნივერსიტეტში მუშაობდა. მიღებული ჰქონდა სახელმწიფო ჯილდოები და სიგელები. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.280-281; იური მეიშვილი : ხსოვნა // საქართველოს რესპუბლიკა.-თბილისი,2016.-21 სექტემბერი.-N176(8068).-გვ.11

• 1988 - საქართველოს დამსახურებული ინჟინერი (მეცნიერებისა და ტექნიკის სფეროში)
• საქართველოს სახელმწიფო პრემია