გურგენ სიმონიანი

დაბადების ადგილი: ქ. თბილისი.

დაამთავრა ამიერკავკასიის რკინიგზის გზათა მიმოსვლის ინსტიტუტი 1934 წელს.

1936 წლიდან მუშაობდა თბილისის ორთქლმავალშემკეთებელ ქარხანაში. მეორე მსოფლიო ომის წლებში იყო იარაღების მწარმოებელი საამქროს უფროსი. 1956 წელს დანიშნეს ახალშექმნილი თბილისის ანალიტიკური ტექნიკის სპეციალური საკონსტრუქტორო ბიუროს უფროსად. მისი ხელმძღვანელობით ეს ბიურო გახდა საბჭოთა კაეშირის მოწინავე ორგანიზაცია ანალიტიკური ხელსაწყოებისა და მოწყობილობების შექმნის დარგში. მისი დირექტორობის დროს ბიუროს ბაზაზე შეიქმნა საკავშირო სამეცნიერო-კვლევითი ინსტიტუტი, ხოლო შემდეგ მძლავრი სამეცნიერო-საწარმოო გაერთიანება "ანალიზხელსაწყო". მიღებული ჰქონდა სახელმწიფო ჯილდოები. არაერთხელ იქნა არჩეული თბილისის საქალაქო საბჭოს დეპუტატად.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.292-293

• ოქტომბრის რევოლუციის ორდენი
• შრომის წითელი დროშის ორდენი
• წითელი ვარსკვლავის ორდენი
• საქართველოს დამსახურებული ინჟინერი