ლევან ჩიქოვანი

დაბადების ადგილი: ქ. აბაშა.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1948 წელს.

1948-1954წწ. იყო ქლუხორის რაიონული საავადმყოფოს ოფთალმოლოგი და ამავე საავადმყოფოს მთავარი ექიმის მოადგილე სამკურნალო დარგში; 1954-1957წწ. თბილისის თვალის დაავადებათა კლინიკის (ხელმძღვანელი პროფესორი ი. სიხარულიძე) ორდინატორი; 1972 წლიდან თბილისის რესპუბლიკური ცენტრალური კლინიკური საავადმყოფოს ექიმი-ორდინატორი; კვალიფიკაციის ასამაღლებლად მივლენილ იქნა: მოსკოვისა (1971) და ოდესის (1978) თვალის დაავადებათა კლინიკებში. ავტორია ორი სახელმძღვანელოს, ორი მონოგრაფიისა და ათი სამედიცინო მეცნიერული ნაშრომისა: "თვალის დაავადებები" (თანაავტორი დოცენტი ნიკოლოზ ბერაძე, სახელმძღვანელო სამედიცინო ინსტიტუტის სტუდენტთათვის), "თვალის დაავადებები" (საშუალო სამედიცინო სასწავლებლის მოსწავლეთათვის). იყო საქართველოს ოფთალმოლოგიისა და ნევროლოგიის ცენტრის ორდინატორი. უმაღლესი კატეგორიის ექიმი-ოფთალმოლოგი (1990).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 803-804; ლევან ჩიქოვანი : განცხადება გარდაცვალების შესახებ // საქართველოს რესპუბლიკა.-თბილისი, 2013.-11 ივნისი.-N107 (7234).- 11გვ.

• საქართველოს თვალის საზოგადოება, წევრი (1957-)

• თვალის დაავადებები : სახელმძღვ. სამედ. ინ-ტის სტუდ. (თანაავტორი). - თბილისი, განათლება , 1987. - 430გვ.