თათია დოლიძე

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის სამართალმცოდნეობის ფაკულტეტი 2012 წელს, სადაც ბაკალავრისა და მაგისტრის ხარისხები წარჩინებით მიიღო; 2012 წელს მიენიჭა სამართლის დოქტორის აკადემიური ხარისხი.

აქვს თვრამეტწლიანი პროფესიული გამოცდილება როგორც საჯარო, ისე კერძო სექტორში; სხვადასხვა წლებში მუშაობდა შემოსავლების სამსახურში, საქართველოს უზენაეს სასამართლოში, საქართველოს მთავრობის კანცელარიაში, ცოდნის ფონდში და სხვა სახელმწიფო და კერძო სტრუქტურებში; 2016 წლიდან არის საერთაშორისო საკონსულტაციო ჰოლდინგის Business Consulting Centre-ის მმართველი პარტნიორი და ხელმძღვანელობს სამართლის მიმართულებით ბიზნესის მხარდაჭერის მრავალ პროექტს; ათ წელზე მეტია აქტიურად მოღვაწეობს აკადემიურ სფეროში და კითხულობს ლექციებს სხვადასხვა უნივერსიტეტში, მათ შორის: ევროპის უნივერსიტეტში, საქართველოს ეროვნულ უნივერსიტეტში, საქართველოს საერთაშორისო უნივერსიტეტ GIU-ში და სხვა უმაღლეს საგანმანათლებლო დაწესებულებებში; სხვადასხვა პერიოდში იკავებდა სამართლის პროგრამების ხელმძღვანელის პოზიციას რამდენიმე უნივერსიტეტში, ხოლო ევროპის უნივერსიტეტში ხელმძღვანელობდა სამართლებრივი დახმარების ცენტრს; არის საქართველოს საერთაშორისო უნივერსიტეტ GIU-ს სამართლისა და პოლიტიკის სკოლის დეკანი; გავლილი აქვს მრავალრიცხოვანი ეროვნული და საერთაშორისო ტრენინგები, მათ შორის - ნოტინგემის უნივერსიტეტში, იელის უნივერსიტეტში, პენსილვანიის უნივერსიტეტში და სხვა წამყვან აკადემიურ ცენტრებში; არის ამერიკის ადვოკატთა ასოციაციის სერტიფიცირებული ტრენერი, ასევე ფლობს პერსონალურ მონაცემთა დაცვის ოფიცრის ეროვნულ და საერთაშორისო სერთიფიცირებას; ასევე არის COST (European Cooperation in Science and Technology)–ის არაერთი პროექტის სამუშაო ჯგუფის წევრი და COST–ის ექსპერტი; არის არაერთი სამეცნიერო ნაშრომისა და სახელმძღვანელოს ავტორი. აქტიურად მონაწილეობს საერთაშორისო სამეცნიერო კონფერენციებში მომხსენებლის სტატუსით და მოღვაწეობს როგორც აკადემიურ სფეროში ისე პრაქტიკაში.

• ამერიკის კრიმინოლოგთა ასოციაცია, წევრი (2024-)

• Business
  Business consulting center LLC

  Address:	თბილისი; ბოხუას N4
  Phone:	555630066
  E-mail: