მარგარიტა ასტვაცატუროვა

დაიბადა ადვოკატის ოჯახში, ბავშვობა ავადმყოფობის გამო გაატარა შვეიცარიაში, დაბრუნდა საქართველოს გასაბჭოების შემდეგ. მუშაობდა სხვადასხვა სახელმწიფო დაწესებულებაში სტენოგრაფისტად. 1942 წელს მისი მეუღლე გადაასახლეს ანტისაბჭოთა აგიტაციის ბრალდებით. 1943 წელს კინოსტუდიის სტენოგრაფისტად მუშაობისას დააპატიმრეს ანტისაბჭოთა დაჯგუფების წევრობის ბრალდებით და 10 წლით შრომა-გასწორების კოლონიაში გაგზავნა მიუსაჯეს. გათავისუფლდა 1953 წელს. რეაბილიტირებულ იქნა 1959 წელს. შემდგომ პერიოდში ეწეოდა კერძო პედაგოგიურ საქმიანობას – ასწავლიდა ფრანგულ ენას.

წყარო: დაკარგული ისტორია : მეხსიერება რეპრესირებული ქალების შესახებ / გამოცემაზე მუშაობდნენ: ანა მარგველაშვილი, ირაკლი ხვადაგიანი, გიორგი შაიშმელაშვილი, მაგდა ცოცხალაშვილი.-თბ.,2017.-გვ.288-314