მანანა თევზაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიის ფაკულტეტი 1967 წელს; ზოგადი და არაორგანული ქიმიის კათედრის ასპირანტურა 1974 წელს.

1974-2007წწ. მუშაობდა საქართველოს პოლიტექნიკურ ინსტიტუტში (შემდგომში საქართველოს ტექნიკური უნივერსიტეტი): ლაბორანტად, ასისტენტად და დოცენტად. კითხულობდა ლექციებს ზოგად და არაორგანულ ქიმიაში სხვადასხვა ფაკულტეტებზე. გამოქვეყნებული აქვს სტატიები, ნაშრომები საკავშირო და საზღვარგარეთის ჟურნალებში, აგრეთვე სამეცნიერო-მეთოდური მითითებები და დამხმარე სახელმძღვანელოები სტუდენტებისთვის. 1976 წელს დაიცვა საკანდიდატო დისერტაცია პროფესორ გივი ცინცაძის ხელმძღვანელობით კოორდინაციულ ქიმიაში. ქიმიურ მეცნიერებათა კანდიდატი, პროფესორ ნიკოლოზ თევზაძის შვილი და დიანა თევზაძის და.

წყარო: ჩვენი რაჭა / ირაკლი დვალი.-თბ.,2008.-გვ.165

• ქიმია - მიღწევები და პერსპექტივები : აკადემიკოს გივი ცინცაძის დაბადებიდან 85 წლისადმი მიძღვნილი საერთაშორისო სამეცნიერო-მეთოდიკური კონფერენციის სამეცნიერო შრომების კრებული (თანაავტორი). - თბილისი, ტექნ. უნ-ტი, 2019. - 268გვ.. - ISBN: 9789941284205
• მეთოდური მითითებები ლაბორატორიული სამუშაოების შესასრულებლად რადიო და შუქმანძილსაზომების კურსში "ЕОТ-2000"-ის გამოყენებით 09.01 და 30.01 სპეციალობების სტუდენტებისათვის (შემდგენელი). - თბილისი, 64გვ., 1990. - 64გვ.