ზურაბ ჩხაიძე

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1974 წელს, "მართვის ავტომატიზებული სისტემების" სპეციალობით. იყო ამავე კათედრის ასპირანტი, მეცნიერ-თანამშრომელი და დოცენტი.

1991 წელს წარმატებით დაიცვა საკანდიდატო დისერტაცია ინფორმატიკის სპეციალობით, ხოლო 2011 წელს  - სადოქტორო დისერტაცია ეკონომიკის სფეროში. 1984-1993წწ. მუშაობდა საქართველოს განათლების სამინისტროს სამეცნიერო სასწავლო-საწარმოო გაერთიანება "ინფორმატიკის" გენერალური დირექტორის პირველ მოადგილედ. პარალელურად საქმიანობდა საქართველოს პედაგოგთა კვალიფიკაციის ამაღლებისა და გადამზადების ცენტრალურ ინსტიტუტში. 1996 წლიდან მუშაობდა საქართველოს ტექნიკური უნივერსიტეტის საბანკო საქმის კათედრაზე, სადაც დაიცვა სადოქტორო დისერტაცია და მიენიჭა პროფესორის წოდება. იყო ტექნიკურ უნივერსიტეტში საბანკო და საფინანსო ტექნოლოგიების საბაკალავრო-საგანმანათლებლო პროგრამის ხელმძღვანელი, ეწეოდა ბაკალავრების, მაგისტრანტებისა და დოქტორანტების მომზადების სრულყოფასა და სამეცნიერო დონის ამაღლებას, სასწავლო პროცესების ორგანიზაცაციისა და მართვის უახლესი მეთოდების დანერგვას ტექნიკურ უნივერსიტეტში. ამ მიმართულების მან 5 სახელმძღვანელო შექმნა. იყო არაერთი წარმატებული დოქტორანტისა და მაგისტრანტის სამეცნიერო ხელმძღვანელი. 1995 წლიდან მუშაობდა "ვი-თი-ბი" ბანკის ინფორმატიკის სამმართველოს უფროსად, სადაც დანერგა ორიგინალური საბანკო და საფინანსო ტექნოლოგიები. მის კალამს ეკუთვნის ხუთი სახელმძღვანელო, მონოგრაფია და 50-მდე სამეცნიერო სტატია, აქტიურად მონაწილეობდა საერთაშორისო სიმპოზიუმებსა და კონფერენციებში. "ბიზნეს-ინჟინერინგის" ფაკულტეტიდან არჩეული იყო საქართველოს ტექნიკური უნივერსიტეტის უმაღლესი მმართველობითი ორგანოს – აკადემიური საბჭოს წევრად. სამეცნიერო ჟურნალ "ბიზნეს-ინჟინერინგის" ელექტრონული ეერსიის მთავარი რედაქტორი, საქართველოს ტექნიკური უნივერსიტეტის "საბანკო საქმის" კათედრის პროფესორი, "ვი-თი-ბი" ბანკის ჯორჯიას ინფორმატიკის სამმართველოს უფროსი. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.307; ზურაბ ჩხაიძე / ნეკროლოგი // 24 საათი.-თბილისი, 2012.-15 სექტემბერი.-N3112 (205).-გვ.A2

• რუსეთის საბუნებისმეტყველო მეცნიერებათა აკადემია, წევრ-კორესპონდენტი
• საქართველოს განათლების მეცნიერებათა აკადემია, წევრი
• საქართველოს საინჟინრო აკადემია, ნამდვილი წევრი

• 1990 - საქართველოს სახელმწიფო პრემია
  მეცნიერებისა და ტექნიკის დარგში შეტანილი წვლილისთვის

• ინფორმაციული სისტემების კომპიუტერული მოდელირება : მონოგრაფია (თანაავტორი). - თბილისი, სტუს "IT კონსალტინგის სამეცნუიერო ცენტრი", 2024. - 290გვ.. - ISBN: 9789941865565
• პროექტების მენეჯმენტის საფუძვლები Microsoft Project : ლექციების კურსი (ავტორი). - თბილისი, გრაალი, 2011. - 192გვ.. - ISBN: 9789941916731
• საბანკო ინფორმაციული სისტემები და ტექნოლოგიები (თანაავტორი). - თბილისი, ტექნ. უნ-ტი, 2009. - 400გვ.. - ISBN: 9789941143090
• ინფორმატიკისა და გამოთვლითი ტექნიკის საფუძვლები : საშ. სკოლის მე-10 კლ. სახელმძღვ. (თანაავტორი). - თბილისი, განათლება, 1990. - 159გვ.
• ინფორმატიკისა და გამოთვლითი ტექნიკის საფუძვლები : საშ. სკოლის მე-11 კლ. სახელმძღვანელო (თანაავტორი) // ნაწ. 2. - თბილისი, განათლება, 1988. - 174გვ.
• ინფორმატიკისა და გამოთვლითი ტექნიკის საფუძვლები : საშ. სკოლის მე-9 კლ. სასინჯი სახელმძღვ. (თანაავტორი). - თბილისი, განათლება, 1985. - 159გვ.