თემურ ჯავახაძე

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1965 წელს, მათემატიკური სათვლელ-საანგარიშო ხელსაწყოებისა და მოწყობილობების სპეციალობით.

ინსტიტუტში სწავლასთან პარალელურად მუშაობდა თბილისის ხელსაწყოთმშენებლობისა და ავტომატიზაციის საშუალებების სამეცნიერო-კელევითი ინსტიტუტის (ტნისა) საცდელ ქარხანაში ელექტრომემონტაჟედ. ინსტიტუტის დამთავრების შემდეგ გააგრძელა მუშაობა ინჟინრის თანამდებობაზე, სადაც გაიარა გზა ლაბორატორიის ხელმძღვანელამდე. 1973-1976წწ. სწავლობდა მოსკოვის ასპირანტურაში. 1977 წელს ჩამოაყალიბა ელექტროგამომთვლელი მანქანების კომპლექსური მომსახურების თბილისის რეგიონალური ცენტრი. 1997 წლიდან იყო საქართველოს გამოთვლითი ტექნიკისა და ინფორმატიკის სამეცნიერო-სამრეწველო გაერთიანების მთავარი ინჟინრის მოადგილე.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.314