ადამ სლავოჩინსკი

ქუთაისის გუბერნატორი 1907-1914 წლებში. წარმატებული სამხედრო კარიერის შემდეგ, 1907 წლის 28 ნოემბერს, გენერალ­-მაიორის წოდებით დაინიშნა ქუთაისის გუბერნატორად. ოჯახური პირობების გამო, 1914 წლის 16 აპრილს თანამდებობიდან გათავისუფლდა. გათავისუფლებამდე ცოტა ხნით ადრე მიიღო გენერალ­-ლეიტენანტის წოდება. იყო პირველი მსოფლიო ომის აქტიური მონაწილე, დაჯილდოებული იყო რუსეთის სახელმწიფო უმაღლესი ჯილდოებით. 1921 წელს გაგზავნილ იქნა პოლონეთში, სადაც პოლონეთის დივიზიის გენერლის წოდება მიიღო. გარდაიცვალა ვარშავაში 1925 წლის 18 ოქტომბერს. წარმოშობით პოლონელი აზნაური.

წყარო: საქართველოს ეროვნული არქივი: ნიკოლოზ საღარაძის ფოტოკოლექცია: archive.gov.ge გვ.62-63