მერაბ სეფაშვილი

დაბადების ადგილი: სოფელი ყვარელი, ყვარლის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1970 წელს.

1970-1972წწ. სამხედრო სავალდებულო სამსახურში მოტომსროლელთა პოლკის სამედიცინო პუნქტის უფროსი; 1972-1981წწ. ქ. რუსთავის ჯერ ბავშვთა მე-2 პოლიკლინიკის ქირურგი, შემდეგ ქ. რუსთავის ქალაქის საავადმყოფოს ქირურგიული განყოფილების ანესთეზიოლოგი და ქირურგი; 1981-1983წწ. თბილისის სახელმწიფო სამედიცინო ინსტიტუტის ზოგადი ქირურგიის კათედრის ბაზაზე არსებული კლინიკური ორდინატორი; 1983 წელს რუსთავის ქალაქის საავადმყოფოს ქირურგი; 1983-1990წწ. შინაგან საქმეთა სამინისტროს პირველი საგამომძიებლო იზოლატორის ექიმი-ორდინატორი; 1990-1995წწ. ქ. ყვარლის რაიონის მთავარი ექიმი; 1995-1998წწ. ყვარლის რაიონის ჯანდაცვის სისტემის მართვის საკოორდინაციო ცენტრის დირექტორი; 1998 წლიდან  რეორგანიზაციის შემდეგ ყვარლის რაიონის საზოგადოებრივი ჯანდაცვის ცენტრის დირექტორი. მას სხვადასხვა დროს გავლილი აქვს კვალიფიკაციის ასამაღლებელი კურსები: ბავშვთა ქირურგიაში (1973, თბილისის ექიმთა დახელოვნების ინსტიტუტი), გადაუდებელ ქირურგიაში (1977, დნეპროპეტროვსკის (უკრაინა) სახელმწიფო სამედიცინო ინსტიტუტი), კლინიკური ორდინატურის ქირურგიაში (1981-1983, თსსი), ჯანდაცვის მართვისა და ორგანიზაციის ორთვიანი კურსები (1991, თბილისის ექიმთა დახელოვნების ინსტიტუტი), აშშ -ში  სტაჟირებით (2001, კალიფორნია). მისი ორგანიზატორობით ყვარლის რაიონულ საავადმყოფოში გაიხსნა რეანიმაციული და კარდიოლოგიური განყოფილებები. ხელმძღვანელობდა რუსთავის საავადმყოფოს პროფკავშირულ ორგანიზაციას, 1993 წლიდან იყო ყვარლის რაიონის გამგეობის წევრი. დაჯილდოებულია მადლობებითა და სიგელებით. ექიმი - ქირურგი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 853-854