სერგო მიანსაროვი-იოსელიანი

დაბადების ადგილი: ქ. თბილისი.

დაამთავრა თბილისის სამშენებლო ტექნიკუმი.

მუშაობდა თბილისის სამშენებლო ობიექტებზე, თბილისის საბჭოს საპროექტო სახელოსნოში და დაუსწრებლად სწავლობდა ამიერკავკასიის ინდუსტრიულ ინსტიტუტში; 1936 წელს გახდა თბილისის საარტილერიო სასწავლებლის კურსანტი; 1940 წელს, სასწავლებლის დამთავრების შემდეგ მსახურობდა სოხუმის ქვეით სასწავლებელში, სადაც თანმიმდევრულად მსახურობდა ოცმეთაურად, ასმეთურად და სასწავლო ბატალიონის მეთაურის მოადგილედ; აქტიურად მონაწილეობდა 1941-1945 წლების მეორე მსოფლიო ომში; 1943 წელს დაინიშნა I უკრაინის ფრონტის მე-13 არმიის დაზვერვის უფროსის უფროს თანაშემწედ; 1944 წელს დანიშნეს მე-13 არმიის საინფორმაციო-სადაზვერვო განყოფილების უფროსად, მოგვიანებით კი მე-13 არმიის 24-ე მსროლელი კორპუსის დაზვერვის უფროსად; ომის შემდეგ მსახურობდა ამიერკავკასიის სამხედრო ოლქში; 1949-1951წწ. - შენაერთის შტაბის უფროსად; 1951-1956წწ. - სომხური მსროლელი დივიზიის მეთაურად; 1949 წელს მიენიჭა პოლკოვნიკის წოდება; 1953 წელს მიენიჭა გენერალ-მაიორის წოდება; 1958 წელს დაამთავრა გენერალური შტაბის აკადემიის უმაღლესი აკადემიური კურსები ოქროს მედალზე; 1962 წელს ავადმყოფობის გამო გადადგა სამხედრო სამსახურიდან. არჩეული იყო სომხეთის სსრ უმაღლესი საბჭოს დეპუტატად. დაჯილდოებული იყო ორდენებით. 

წყარო: სამშობლოს ერთგული შვილები: ქართველები დიდ სამამულო ომში /გ. ყურაშვილი. -თბ., 1965.-გვ.196-199; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• სამამულო ომის I ხარისხის ორდენი
• წითელი ვარსკვლავის ორდენი
• ალექსანდრე ნეველის ორდენი
• წითელი დროშის ორდენი