ზელიმხან ხარებოვი

დაბადების ადგილი: სოფელი ხვწე, ჯავის რაიონი.

დაამთავრა ცხინვალის პედაგოგიური ტექნიკუმი 1928 წელს; ამიერკავკასიის ქვეითი ჯარების სამხედრო სასწავლებელი - 1931 წელს.

სამხედრო სასწავლებლის დამთავრების შემდეგ მიენიჭა მეთაურის წოდება და დაინიშნა პირველ ქართულ მსროლელ დივიზიაში ოცეულის მეთაურად, ერთი წლის შემდეგ - ასეულის მეთაურად; 1935 წელს - პოლკის სასწავლებლის უფროსი; 1936 წლიდან - პოლკის შტაბის უფროსის მოადგილე; 1938 წელს - ქართულ მსროლელ დივიზიაში ერთ-ერთი განყოფილების უფროსის მოადგილე; 1939 წლიდან - ამიერკავკასიის სამხედრო ოლქის საბრძოლო მომზადების განყოფილების უფროსის მოადგილე; ომის პირველი დღიდან ამიერკავკასიის სამხედრო ოლქის სამხედრო საბჭოში შტაბის განყოფილების უფროსის მოადგილედ გადაიყვანეს; 1941 წელს გააგზავნეს 56-ე არმიაში; 1942 წელს სპეციალურ დავალებას ასრულებდა ქერჩში ამიერკავკასიის ჯარებისათვის დამატებითი მართვის პუნქტის შექმნაში; 1942 წლის დასაწყისში როგორც ოპერატიული განყოფილების უფროსის მოადგილე, ქერჩის ნახევარკუნძულზე მოქმედ 51-ე არმიაში ფრონტის შტაბის მართვის უფროსი იყო; იმავე წლის სექტემბერში დანიშნეს ამიერკავკასიის ფრონტის შტაბის ოპერატიული განყოფილების უფროსის მოადგილედ; 1943 წელს - არმიის სათადარიგო 191-ე პოლკის მეთაურად. 1958 წელს მიენიჭა გენერალ-მაიორის წოდება.

წყარო: სამშობლოს ერთგული შვილები: ქართველები დიდ სამამულო ომში /გ. ყურაშვილი. -თბ., 1965.-გვ.295-297

• 1935 - საპატიო ნიშნის ორდენი