პავლე მეტრეველი

დაბადების ადგილი: ქ. თბილისი.

დაამთავრა თბილისის სასწავლებელი; მოსკოვის პედაგოგიური ინსტიტუტის საბუნებისმეტყველო ფაკულტეტი.

თბილისის სამასწავლებლო სასწავლებლის დამთავრების შემდეგ დაინიშნა ქ. ახალციხეში სასკოლო ინსპექტორის თანამდებობაზე; შემდეგ გადაიყვანეს ქ. ზესტაფონში; 1919 წელს გადმოვიდა ქ. თბილისში და მუშაობა დაიწყო დიდუბის განათლების განყოფილებაში, შემდეგ კი თბილისის მე-14 შრომის სკოლაში, მაღალ კლასებს ასწავლიდა საბუნებისმეტყველო საგნებს; მოგვიანებით პავლე მეტრეველმა დაიწყო მუშაობა აკად. სიმონ ჯანაშიას სახელობის საქართველოს სახელმწიფო მუზეუმის დირექტორის მოადგილედ სამეცნიერო დარგში, ხოლო სიცოცხლის ბოლო წლებში ა. პუშკინის სახელობის თბილისის სახელმწიფო პედაგოგიურ ინსტიტუტში კითხულობდა საბუნემისმეტყველო საგნების მეთოდიკის კურსს. აკადემიკოს ელენე მეტრეველისა და ექიმ ქეთევან მეტრეველის მამა.

სადისერტაციო თემა - "ბუნებისმეტყველების სწავლის მეთოდიკა", დაიცვა 1940 წელს.

წყარო: ჩვენი რაჭა / ირაკლი დვალი.-თბ.,2008.-გვ.244

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1918-)
• ქართველთა შორის წერა-კითხვის გამავრცელებელი საზოგადოება, საზოგადოების ყვირილას განყოფილების გამგეობა, წევრი (1915-1917)

• ბოტანიკა : სახელმძღვანელო საშუალო სკოლის V ჯგუფისათვის (ავტორი). - ტფილისი, სახელგამი, 1933. - 128გვ.
• ზოოლოგია : სამუშაო წიგნი შრომის სკოლის მეორე საფეხურისა და სოფლის ახალგაზრდობის სკოლებისათვის (ავტორი). - ტფილისი, სახელგამი, 1930. - 386გვ.