საშა მიქელაძე

დაბადების ადგილი: ქ. თბილისი.

დაამთავრა მოსკოვის სამხატვრო თეატრთან არსებული დრამატული სტუდია 1927 წელს.

1919 წელს ჯერ კიდევ სკოლის მოსწავლემ, ბაქოს ქართულ თეატრში პატარა მეურმის როლი შეასულა ი. გედევანიშვილის პიესა "მსხვერპლში"; 1920 წლიდან სწავლობდა თბილისის პოლიტექნიკური ინსტიტუტის ეკონომიურ ფაკულტეტზეტზე, პარალელურად მონაწილეობდა მუშათა კლუბის წარმოდგენებში, წერდა სტატიებსა და გამოკვლევებს თეატრის შესახებ; 1921 წელს გაზეთ "ტრიბუნაში" გამოქვეყნდა მისი სტატია "ცოტა რამ დრამატულ ხელოვნებაზე"; 1928 წელს თბილისში, ხოლო 1929-1930წწ. ქუთაისში ჩამოაყალიბა "მუშა-ახალგაზრდობის თეატრები"; 1945-1947წწ. იყო თელავის თეატრის სამხატვრო ხელმძღვანელი, სადაც დადგა კ. ტრენიოვის "ლიუბოვ იაროვაია" და ლ. გოთუას "მეფე ერეკლე"; 1948 წელს თბილისის მოზარდ მაყურებელთა ქართულ თეატრში დადგა სპექტაკლები: ს. ანტონოვის "ჩვენ ახალგაზრდობა", ფ. შილერის "ვილჰელმ ტელი", რ. ქორქიას "მართალი კაცი" და სხვ.; XX საუკუნის 50-იან წლებში თეატრალურ ინსტიტუტში ეწეოდა პედაგოგიურ მოღვაწეობას; აქ დადგმული სასწავლო სპექტაკლებიდან აღსანიშნავია: მ. გორკის "ვასა ჟელეზნოვა", ა. ოსტროვსკის "ჭექა-ქუხილი", ა. მილერის "სეილემის პროცესი", ა. კრონინის "იუპიტერი იცინის"; თარგმნა პიესები: მ. გორკის "მდაბიონი", "ვასა ჟელეზნოვა", ა. ოსტროვსკის "შემოსავლიანი ადგილი", ა. კრონინის "იუპიტერი იცინის" და სხვ.

წყარო: საქართველო: ენციკლოპედია: ტ.5. -თბ.,2023. -გვ. ; ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1965 - საქართველოს ხელოვნების დამსახურებული მოღვაწე