ივანე ევლახიშვილი

დაბადების ადგილი: ქ. შემახა, აზერბაიჯანი.

ბავშვობის წლები შემახასა და ბაქოში გაატარა, შემდეგ დაამთავრა თბილისის გიმნაზია და მოსკოვის უნივერსიტეტის იურიდიული ფაკულტეტი.

1840-იან წლებში მუშაობდა გაზეთ "ზაკავკაზსკი ვესტნიკის" რედაქციაში. სხვადასხვა დროს სამოქალაქო სამსახურში იყო თბილისში, შემახაში და თერგის ოლქში. 1870-იან წლებში მოსამართლედ მუშაობდა სტავროპოლის გუბერნიაში. ფლობდა უცხო ენებს და კარგი მუსიკალური განათლება ჰქონდა მიღებული, იყო მომღერალი და დეკლამატორი. ხშირად ასრულებდა ხალხურ სიმღერებს. ივანე ევლახიშვილმა რუსულ ენაზე თარგმნა "ვეფხისტყაოსანი" (გაზეთი "Кавказ", 1846, №1523, 26, 27,29), "ზღაპარი ქოროღლიზე" ("Сказка о Кер-Оглу", "Кавказ", 1846, № 39), დაწერა ქართულ ხალხურ მოტივებზე კომედია "ქორწილი" ("Cвадьба", 1852 წ.). მას ეკუთვნის წერილები: "Замечания по пути в Мингрелию", ("Кавказ", 1847, №79), "Заметки о Тифлисе", "Записки Кавказского отдела Императорского русского географического общества", №1), "სპარსეთის პოეზია" ("ცისკარი", 1863, №7 12, გვ. 256-268) და სხვ., ივანე ევლახიშვილი ევლახიშვილი დაინტერესებული იყო ქართული ხალხური სიტყვიერებით ("О народных песнях и певцах в Грузии", "Кавказ", 1850, №64, 65), რუსულად თარგმნა 100 ქართული ანდაზა ("Грузинские пословицы и изречения", "Записки Кавказского отдела Императорского русского географического общества", кн. I,1852, стр. 260). საოპერო მომღერლის სერგო ევლახიშვილის მამა.

წყარო: ქართული ფოლკლორი : მასალები და გამოკვლევები. ტ. 4, ქართული ფოლკლორის ლექსიკონი. [ნაწ.] I, (ა - ლ) / საქ. სსრ მეცნ. აკად., რუსთაველის სახ. ქართ. ლიტ. ინ-ტი.-თბ.,1974.-გვ.140-141

• Очерк политической и военной жизни кн. Ваана Мамиконьяна (ავტორი). - Тифлис , Тип. Канц. Намест. кавк.,, 1853. - 38 с.
• О народных песнях и певцах в Грузии (ავტორი). - Тифлис, 1850. - 20 с.