ალექსანდრე არღუტინსკი-დოლგორუკოვი

დაბადების ადგილი: ქ. ტფილისი.

დაამთავრა 1-ლი კადეტთა კორპუსი 1848 წელს.

სამხედრო სამსახური დაიწყო ვიურტემბერგის პრინცის სახელობის ნიჟეგოროდის დრაგუნთა პოლკში პრაპორშჩიკად; მონაწილეობდა ყირიმის 1853-1856წწ. (აღმოსავლეთის) წლების ომში; მსახურობდა კავკასია-ოსმალეთის საზღვარზე, მოქმედი კორპუსის კავალერიის უფროსის ადიუტანტად; 1875-1877წწ. მეთაურობდა ლაიბ-გვარდიის კაზაკთა პოლკის მე-2 დივიზიონს; 1877 წლის 4 ოქტომბერს მიენიჭა პოლკოვნიკის სამხედრო წოდება; 1878 წელს გადადგა სამხედრო სამსახურიდან პოლკოვნიკის წოდებით, მუნდირით და პენსიონის სრული უზრუნველყოფით; 1879-1882წწ. იყო მივლინებული მე-V საარმიო კორპუსთან, საარმიო კავალერიაში ჩარიცხვით; საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით, რუმინეთის "რკინის ჯვრით" ("რუსეთ-ოსმალეთის ომის დროს მდ. დუნაიზე გადასვლის სამახსოვროდ)". თადარიგში გასვლის შემდეგ ცხოვრობდა ქ. სანქტ-პეტერბურგში. გენერალ-მაიორი (1882).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.21

• 1863 - წმინდა სტანისლავის III ხარისხის ორდენი (მახვილებით და ბაფთით)
• 1851 - წმინდა ანას IV ხარისხის ორდენი
• წმინდა ვლადიმირის IV ხარისხის ორდენი (ბაფთით)