ალექსანდრე ახვერდოვი

დაბადების ადგილი: ქ. ყიზლარი.

დაიბადა ქართველ ჰუსართა პოლკის ოფიცრის, ისაია ვასილის-ძე ახვერდოვის ოჯახში, რომელიც წარმოშობით ცხინვალელი სომეხი იყო და გაჰყვა მეფე ვახტანგ VI-ის ამალას რუსეთში.

1774 წელს სამხედრო სამსახურში შევიდა რიგითად, მოზდოკის საველე ბატალიონში. 1783-1788წწ. მსახურობდა კავკასიის მე-4 ეგერთა ბატალიონში; 1788-1794წწ. მსახურობდა კავკასიის მუშკეტერთა პოლკში; მონაწილეობდა 1787-1791წწ. რუსეთ-თურქეთის ომში; 1794-1798წწ. მსახურობდა ყიზლარის საგარნიზონო პოლკში; 1798-1800წწ. მსახურობდა ყაზანის მუშკეტერთა პოლკის მეთაურად; 1799 წელს მიენიჭა პოლკოვნიკის სამხედრო წოდება; 1800 წელს პირადი პატაკით გადადგა სამხედრო სამსახურიდან და გადავიდა სამოქალაქო უწყებაში; 1801 წლის 19 აგვისტოს კვლავ დაბრუნდა ჯარში და დაინიშნა ყიზლარის კომენდანტად; 1802 წელს დაინიშნა ყიზლარის საგარნიზონო პოლკის შეფად; 1804 წელს - ყალმუხი ხალხის მთავარ პრისტავად; 1806 წელს - ჩეჩენ ხალხთა ზედამხედველად. კეთილსინდისიერი და გულმოდგინე სამსახურისთვის იმპერატორმა ალექსანდრე I უბოძა მას ბრილიანტის ბეჭედი (1807). დაჯილდოებული იყო ორდენებით, ბრიგადირი (1800).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.34