ანსელმო მღებრიშვილი (პატრი)

დაბადების ადგილი: ქ. ახალციხე.

სასულიერო განათლება მიიღო რომში.

მსახურობდა გორში, ბათუმსა და სხვა კათოლიკურ ეკლესიებში. ლათინურიდან ახალ ქართულ ენაზე თარგმნა თომა კემფელის თხზულება "მიბაძვა ქრისტესი" ოთხწიგნად და პირველად გორში გამოსცა (მანამდე გორში წიგნი არ დაბეჭდილა): წიგნი I და II (გორი, 1889), წიგნი 3-4 (გორი, 1890). ბათუმში ქართველ კათოლიკეთათვის ააშენა დიდი კათოლიკური ეკლესია, რასაც დიდძალი თანხა შესწირა (აქედან 240.000 მანეთი სტეფანრე ზუბალაშვილის იყო). "მე უაღრესად მწამს ღვთისმშობელი და საქართველო, ჩემი რწმენის ქვაკუთხედს ეს ორი საგანი შეადგენს". მწიგნობარი, ქართველი კათოლიკე პატრი მესხეთიდან.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.403-404

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1887-)

• მიბაძვა ქრისტესი : 4 წიგნად (მთარგმნელი) // წ.3 და 4. - გორი, ა. კალანდაძის და ი. ყანჩაველის სტ., 1890. - 185-518გვ.
• მიბაძვა ქრისტესი : 4 წიგნად (მთარგმნელი) // წ. 1 და 2 / წინასიტყვ. ავტ.: ა. მღებრიშვილი. - გორი, არ. კალანდაძის და ნ. ზარიძის სტ., 1889. - 184 გვ.