ნოდარ შენგელია

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1956 წელს; თბილისის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის ასპირანტურა 1959 წელს.

1960-1979წწ. იყო საქართველოს სსრ მეცნიერებათა აკადემიის ივ. ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტის მეცნიერ-თანამშრომელი; 1979-2008წწ. ივ. ჯავახიშვილის სახელობის თბილისის სახელმწიფო უნივერსიტეტის პროფესორი; 1982-1986წწ. ამავე უნივერსიტეტის აღმოსავლეთმცოდნეობის ფაკულტეტის დეკანი. 
დოკუმენტური და ნარატიული ძეგლების გარდა მისი ინტერესის სფეროში სულ უფრო იკვეთებოდა საქართველოს სელჩუკებთან და ოსმალებთან ურთიერთობების ისტორიის პრობლემები; არის 18 მონოგრაფიისა და 204 სამეცნიერო ნაშრომის ავტორი. ქართულის გარდა ფლობდა რუსულ, თურქულ, აზერბაიჯანულ და ფრანგულ ენებს. თურქოლოგი-ოსმანისტი, ისტორიის მეცნიერებათა დოქტორი, პროფესორი.

საკანდიდატო დისერტაციის თემა - "ოსმალური გადასახადები და საგადასახადო სისტემა გურჯისტანის ვილაიეთის დიდი დავთრის მიხედვით", დაიცვა 1961 წელს; სადოქტორო დისერტაციის თემა - "სელჩუკები და საქართველო XI საუკუნეში", დაიცვა 1968 წელს.

წყარო: თბილისის სახელმწიფო უნივერსიტეტი: tsu.ge; science.org.ge

• XV-XIX საუკუნეების საქართველოს ისტორიის ოსმალური წყაროები (ავტორი). - თბილისი, თბილისის სახ. უნივერსიტეტის გამომცემლობა, 1974. - 312გვ.
• სელჩუკები და საქართველო XI საუკუნეში (ავტორი). - თბილისი, მეცნიერება, 1968. - 437გვ.