თამილა თეიმურაზიშვილი

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1976 წელს.

1983-1985წწ. მუშაობდა თელავის სამედიცინო ქსელში სხვადასხვა თანამდებობაზე: ბავშვთა პოლიკლინიკის უბნის პედიატრად, რაიონის მთავარ პედიატრად; 1985-1995წწ. რაიონის მთავარი ექიმის მოადგილედ დედათა და ბავშვთა სამედიცინო მომსახურების დარგში; 1995-1997წწ. კახეთის მხარის მთავარ სპეციალისტად დედათა და ბავშვთა სამედიცინო მომსახურების დარგში; 1997 წლიდან მუშაობს შპს "ბავშვთა ჯანმრთელობის ცენტრის" დირექტორად; სხვადასხვა დროს აიმაღლა კვალიფიკაცია: ზოგად პედიატრიაში, ჯანდაცვის მსოფლიო ორგანიზაციის მიერ ორგანიზებულ ტრენინგებში - "ძუძუთა კვების", "პედიატრიის აქტუალური საკითხები". მიღებული აქვს შესაბამისი სერთიფიკატები და ლიცენზიები; ასევე, გავლილი აქვს სასწავლო კურსი ჯანდაცვის ორგანიზაციაში, ოქსფორდის პოლიტიკის მართვის ჯგუფის მიერ ორგანიზებული სასწავლო პროგრამა (2007, 6 თვე); მიღებული აქვს ჯანდაცვის მენეჯმენტის (ოქსფორდის პოლიტიკის მართვის ჯგუფი) (OPM) შესაბამისი საერთაშორისო სერთიფიკატი; მჭიდროდ თანამშრომლობს გაეროს ბავშვთა ფონდთან, არასამთავრობო ორგანიზაციებთან - "კლარიტასი", "კურაციო"; აქტიურად მონაწილეობს მრავალი წარმატებული პროექტის განხორციელებაში -" ძუძუთი კვების ხელშეწყობის", " ადრეული ასაკის ბავშვთა განვითარების", "უსაფრთხო დედობის", "ბავშვთა დეინსტიტუციონალიზაციის" პროგრამა და სხვა; ბავშვთა სამედიცინო მომსახურების გაუმჯობესების მიზნით თელავის რაიონში მის მიერ შემუშავებული მოდელით ჩატარდა პედიატრიული სამსახურის რესტრუქტურიზაცია და მისი ერთ რგოლში მოქცევა. ჩამოყალიბდა სამედიცინო დაწესებულება - "ბავშვთა ჯანმრთელობის ცენტრი". ამ მოდელის განხორციელებით შესაძლებელი გახდა მომსახურების ხარისხის ამაღლება, გაუმჯობესებული სპეციალიზებული სამსახურების განყოფილებათა შორის არსებული კონსულტაციისა და ადვილი ურთიერთობების მეშვეობით. სერიოზულმა და რადიკალურმა ღონისძიებებმა ჩამოაყალიბა სტრატეგია - ნეონატალური სერვისის შექმნა: პალატების რეაბილიტაცია, სამედიცინო აპარატურით აღჭურვა, კადრების გადამზადება, პრაქტკული უნარ-ჩვევების დანერგვა, უწყვეტი განათლების უზრუნველყოფა. შეიქმნა ახალი ტექნოლოგიებით აღჭურვილი კვალიფიციური კადრებით დაკომპლექტებული რეანიმაციული განყოფილება. ექიმი-პედიატრი, ჯანდაცვის ორგანიზატორი. 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.880-882

• ქალთა და ბავშვთა უფლებების დაცვის ასოციაცია, წევრი