ირაკლი სხირტლაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ–ელექტრიკოსის კვალიფიკაციით 1961 წელს; თბილისის სახელმწიფო უნივერსიტეტის მექანიკა-მათემატიკის ფაკულტეტი და ამავე ფაკულტეტის ასპირანტურა. 

1961 წლიდან მუშაობს საქართველოს მეცნიერებათა აკადემიის კიბერნეტიკის ინსტიტუტში: 1961-1969წწ. შემთხვევით პროცესთა თეორიის განყოფილება, ინჟინერი, წამყვანი ინჟინერი; 1969-1974წწ. ინფერმაციის თეორიის ლაბორატორია, გამგე; 1974-2006წწ. შემთხვევით პროცესთა თეორიის განყოფილება, უფროსი მეცნიერ- თანამშრომელი; 2006 წლიდან სსიპ კიბერნეტიკის ინსტიტუტი (შემდგომში საქართველოს ტექნიკური უნივერსიტეტის ვლადიმერ ჭავჭანიძის სახელობის კიბერნეტიკის ინსტიტუტი) სტოქასტური ანალიზისა და მათემატიკური მოდელირების განყოფილება, უფროსი მეცნიერ- თანამშრომელი; 1961-1969წწ. საქართველოს სასოფლო-სამეურნეო ინსტიტუტი, უმაღლესი მათემატიკის კათედრა, ლექტორი; გამოქვეყნებული აქვს 40-მდე მეცნიერული ნაშრომი, რომლებიც ძირითადად ეხება ფუნქციათა თეორიასა და ალბათობის თეორიის მნიშვნელოვანი საკითხების გადაწყვეტას. მათემატიკის აკადემიური დოქტორი.

სადისერტაციო თემა - "ფურიე-უოლშის მწკრივთა აბსოლიტური კრებადობის შესახებ", დაიცვა 1973 წელს).

წყარო: ჩვენი რაჭა / ირაკლი დვალი.-თბ.,2008.-გვ.285