ვარლამ სვანიძე

დაბადების ადგილი: სოფელი ბაჯი, ამბროლაურის რაიონი.

სწავლობდა თბილისის ა. პუშკინის სახელობის პედაგოგიურ ინსტიტუტში; დაამთავრა ქუთაისის ალექსანდრე წულუკიძის სახელობის პედაგოგიური ინსტიტუტის მათემატიკის ფაკულტეტი.

1941-1945 წლებში მონაწილეობდა დიდ სამამულო ომში. საბრძოლო გზა გაიარა ჩრდილოეთ კავკასიიდან ჩეხოსლოვაკიის ქ. ბრნომდე და 1945 წლის აპრილში მძიმედ დაჭრის შემდეგ დაბრუნდა სამშობლოში. დაასრულა პედაგოგიური ინსტიტუტი და პედაგოგიურ მოღვაწეობას შეუდგა თავის მშობლიურ რაიონში. სიცოცხლის ბოლო წლებში საცხოვრებლად და სამუშაოდ გადავიდა ქ. თბილისში, მათემატიკას ასწავლიდა 129-ე სკოლაში. დიდ სამამულო ომში საბრძოლო დამსახურებისა და პედაგოგიური მოღვაწეობისთვის დაჯილდოებული იყო არა ერთი ორდენითა და მედლით.  გამოქვეყნებული ჰქონდა სამეცნიერო ნაშრომები პედაგოგიურ საკითხებზე.

წყარო: ჩვენი რაჭა / ირაკლი დვალი.-თბ.,2008.-გვ.288