აკაკი ფუტკარაძე

დაბადების ადგილი: სოფელი დარჩიძეები, შუახევის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1978 წელს.

1978-1979წწ. აჭარის რესპუბლიკურ საავადმყოფოში გაიარა ინტერნატურა; 1979-1981წწ. შუახევის რაიონის სოფელ ოლადაურის საექიმო ამბულატორიის გამგე, ექიმი-თერაპევტი; 1981-1984წწ. შუახევის რაიონის სოფელ უჩამბის საუბნო საავადმყოფოს მთავარი ექიმი; 1984-1986წწ. შუახევის რაიონის ცენტრალური საავადმყოფოს თერაპიული განყოფილების გამგე; 1986-1987წწ. შუახევის რაიონის ცენტრალური საავადმყოფოს მთავარი ექიმის მოადგილე სამკურნალო დარგში; 1987-1989წწ. ქ. მოსკოვის I სამედიცინო ინსტიტუტის ექიმი-ორდინატორი თერაპიის კათედრის ბაზაზე; 1989-1990წწ. შუახევის რაიონის ცენტრალური საავადმყოფოს თერაპიული განყოფილების ექიმი-ორდინატორი; 1990-1991წწ. აჭარის რესპუბლიკური საავადმყოფოს პოლიკლინიკური გაერთიანების უბნის ექიმი; 1991-1995წწ. აჭარის რესპუბლიკური საავადმყოფოს მთავარი ექიმის მოადგილე პოლიკლინიკურ დარგში; 1995-2004წწ. აჭარის რესპუბლიკური საავადმყოფოს ბაზაზე შექმნილი ქ. ბათუმის N1 პოლიკლინიკის მთავარი ექიმი, პარალელურად, 1995 წლიდან - ექიმი-სექსოლოგი; 2002-2003წწ. აჭარის სისხლის გადასხმის რესპუბლიკური სადგურის დირექტორი; 2003-2004წწ. შპს "ქ. ბათუმის N1 პოლიკლინიკის" დირექტორი და  ექიმი-სექსოლოგი; 2004 წლიდან პოლიკლინიკის დირექტორის მოადგილე სამკურნალო დარგში; გაიარა კურსები და აიმაღლა კვალიფიკაცია შემდეგ დარგში: თბილისის სახელმწიფო სამედიცინო ინსტიტუტში სექსოლოგიის განხრით (1995), წარმატებით ჩააბარა სახელმწიფო სასერთიფიკაციო გამოცდები ჯანდაცვის ორგანიზაციასა და სამედიცინო სექსოლოგიაში; სისტემატურად გადიოდა უწყვეტ სამედიცინო განათლების პროგრამას სხვადასხვა საკითხებზე: "ზოგადი კურსი ჯანდაცვის მენეჯმენტში", "ჯანდაცვის სისტემის მართვის თანამედროვე მოდელები და ბიოთეკა", "თანამედროვე ტექნოლოგიები ლაბორატორიულ მედიცინაში" და სხვა; იმავე პერიოდში საქართველოს ჯანდაცვის რეგიონალურ ცენტრში გაიარა აშშ-ის სკრენტონის უნივერსიტეტის მიერ ჩატარებული ტრენინგები სხვადასხვა საკითხებზე: "პრივატიზაცია და მეწარმეობა ჯანდაცვის სისტემაში: "საკანონმდებლო, ეთიკური და ეკონომიკური პრობლემები", "პრობლემები პირველადი ჯანდაცვის ორგანიზაციასა და მენეჯმენტში"; 2001 წელს საქართველოს შრომის, ჯანმრთელობისა და სოციალური დაცვის სამინისტროს საზოგადოებრივი ჯანდაცვის დეპარტამენტში გაიარა არასამთავრობო ორანიზაცია "ონკოპრევენციის ცენტრი"-ს მიერ ონკოლოგიური დაავადებების პირველადი გამოვლენის 2001 წლის სახელმწიფო საზოგადოებრივი ჯანდაცვითი პროგრამის ფარგლებში ჩატარებული ტრენინგი - "პროფილაქტიკა და ადრეული დიაგნოსტიკა" და სხვა; მისი თაოსნობით პოლიკლინიკის ხარჯებით პირველად აჭარაში გაიხსნა საუკეთესოდ აღჭურვილი მცირე ქირურგიული ანესთეზიის ბლოკი, სადაც ასეულობით პაციენტს გაეწიათ დახმარება შედარებით დაბალ ფასებში; არის რამდენიმე შეკრების მონაწილე: გინეკოლოგ-ექოსკოპისტთა საერთაშორისო კონგრესი (2009,19-20 ოქტომბერი, ქ. პარიზი); უკრაინის მეან-გინეკოლოგთა XI ყრილობა - "უკრაინის მოსახლეობის რეპროდუქტიული ჯანმრთელობა, პრობლემები და მათი გადაჭრის გზები (2001, ქ. კიევი); ეწეოდა აქტიურ საზოგადოებრივ-პედაგოგიურ საქმიანობას. თერაპევტი, ექიმი-ანდროლოგ-სექსოლოგი, ჯანდაცვის ორგანიზატორი აჭარაში. 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.891-893

• რეგისტრირებული კავშირი "მარეთი", დამფუძნებელი
• რეგისტრირებული კავშირი "მარეთის" სოციალური და ჯანმრთელობის დაცვის კომისია, თავმჯდომარე