გერშონ მეგრელიშვილი

დაბადების ადგილი: დაბა ლაილაში, ლეჩხუმის რაიონი.

დაამთავრა ქუთაისის გიმნაზია 1924 წელს; თბილისის სახელმწიფო უნივერსიტეტის იურიდიული ფაკულტეტი 1929 წელს.

1918 წლის იანვრიდან მეგრელიშვილების ოჯახი ქუთაისში გადავიდა საცხოვრებლად; 1918 წელს ქუთაისში გამოდის ქართულენოვანი ებრაული გაზეთი "ხმა ებრაელისა", რომლის რედაქციაშიც გ. მეგრელიშვილს მიჰქონდა ავტორთა წერილები, ეხმარებოდა რედაქციის მუშაკებს ავტორებთან კონტაქტის დამყარებაში და გაზეთის გავრცელებაში; გიმნაზიის დამთავრების შემდგომ მუშაობა დაიწყო ქუთაისში გამომავალ გაზეთ "მუშის" რედაქციაში; პარალელურად თბილისში გამომავალი გაზეთის "მაკავეელის" კორესპონდენტი იყო ქუთაისში; მის მიერ გაზეთისთვის დაწერილ სტატიებს ხელს აწერდა ფსევდონიმებით "მეგობარი" და "ლაილაშელი"; 1924 წელს მისი და მისი მეგობრების ინიციატივით ქუთაისში დაარსდა "ებრაელ მცირემცოდნეთა სალიკვიდაციო სკოლა"; სკოლაში ებრაელ მცირემცოდნეებს ასწავლიდნენ ანგარიშს, წერა-კითხვას, ისტორიას; გ. მეგრელიშვილის ხელღმძღვანელობით სკოლაში იმართებოდა საღამოები, სადაც წარმოადგენდნენ კომედიებს, მცირე მოცულობის პიესებს, კითხულობდნენ ლექსებს, მონოლოგებს; 1925 წელს მისი ინიციატივთ ქუთაისში, საზღვარგარეთ გაქცეული ცნობილი ბურჟუის, არონია რიჟინაშვილის ბინის პირველ სართულზე ებრაული ბიბლიოთეკა გაიხსნა; საბჭოთა ხელისუფლების პირობებში საფრთხე ემუქრებოდა ებრაული ეროვნული იდეის არსებობას; სწორედ ამ საფრთხის გამო საშიშროება ემუქრებოდა ქუთისის სიონისტურ არქივს, რომელიც დოკუმენტების, ფოტოსურათების, ჩანაწერების, მიმოწერისა და ოქმისგან შედგებოდა; არქივი შეიცავდა აგრეთვე წმინდა ებრაულ - ეროვნული ხასიათის ლიტერატურასაც; იმისათვის, რომ ეს ძვირვაფსი საარქივო მასალა შთამომავლობას დარჩენოდა, გ. მეგრელიშვილის თაოსნობით ბიბლიოთეკის ერთ-ერთ კედელში გაკეთებულ იქნა სამალავი, რომელშიც სიონისტური არქივი იქნა შენახული; 1926 წელს გ. მეგრელიშვილი თბილისში გადავიდა საცხოვრებლად, სადაც სიონისტური ორგანიზაციის თავმჯდომარის მოადგილედ მუშობდა; 1929 წელს ახალციხის მოსამართლედ დაინიშნა, შემდგომ ბათუმში განაგრძო მუშაობა; იგი რეპრესირებულ იქნა 1931 წელს და 10 წლით თავისუფლების აღკვეთა მიესაჯა, 16 კაციან ჯგუფთან ერთად თურქეთის საზღვრის გადაკვეთის მცდელობისთვის, რომლებიც პალესტინაში ჩასვლას ცდილობდნენ; 1936 წლის 8 თებერვალს გაათავისუფლეს; 1937 წელს გ. მეგრელიშვილი მუშაობას იწყებს საქართველოს ადვოკატთა კოლეგიის წევრად; 1938 წელს ბაქოში გადადის საცხოვრებლად, სადაც ოჯახი შექმნა; 1941 წლის ოქტომბერში დააკავეს, გამოირკვა, რომ უშიშროების ორგანოებმა ქუთაისის ებრაული ბიბლიოთეკის კედელში ჩამარხული ძველი სიონისტური არქივი იპოვეს, ძიების კვალი გ. მეგრელიშვილამდე მივიდა; 1949-1969წწ. რუსთავვაჭრობის იურისტკონსულია და ქალაქ რუსთავის ქალაქის ადვოკატთა კოლეგიის წევრი; 1969 წელს ისრაელში ოჯახთან ერთად ემიგრაციაში წავიდა. მან, როგორც მწერალმა, ხუთი წიგნი გამოსცა: ებრაულ-ქართული ლექსიკონის ორი, მცირე და მოზრდილი გამოცემა, მესამე რუსულენოვანი წიგნი - "მე ბრალს ვდებ", სადაც ავტორის სიონისტური კრედოა გადმოცემული, მეოთხე - "ქუთაისის პროცესი", ასი წლის წინათ ცხრა საჩხერელი ებრაელის ქუთაისში გამართული პროცესის სტენოგრაფიული ჩანაწერის ივრითული თარგმანი, და მეხუთე - ინგლისურ ენაზე გამოცემული "ტრებლინკას ჯოჯოხეთი". ქართული სიონიზმის დიდი მოღვაწე და მემატიანე.

წყარო: თეშუვის დღეები : არიე ვუდკას, შიმონ გრილიუსის, იოსეფ მენდელევიჩის წერილები საბჭოთა ციხიდან და ბანაკიდან / ამანა თორის კულტურის გამავრცელებელი საზოგადოება. რელიგიის და კულტურის სამინისტროები.-იერუშალაიმი, 1986.-გვ.262-277; litfund.ru