შოთა მეტრეველი

დაბადების ადგილი: ქ. ბორჯომი.

დაამთავრა თბილისის სახელმწიფო სამხატვრო აკადემია 1938 წელს.

1938–1948წწ. თბილისის სახელმწიფო სამხატვრო აკადემიაში ეწეოდა პედაგოგიურ მოღვაწეობას; 1939 წლიდან მონაწილეობდა სამხატვრო გამოფენებში: პერსონალური (მ. მეტრეველთან ერთად) გამოფენა ჰქონდა საქართველოს სურათების გალერეასა (1945; ახლანდ. დ. შევარდნაძის სახ. საქართვ. ეროვნ. გალერეა) და ოფიცერთა საოლქო სახლში (თბილ., 1959). მისი შემოქმედება რამდენიმე ჟანრს მოიცავს: პორტრეტს, პეიზაჟს, ნატურმორტს, ისტორიული ხასიათის სურათებს.  ნამუშევრები: "წყემსები კოცონთან" (1960), "ვ. სარაჯიშვილის უკანასკნელი სიმღერა – თავო ჩემო" (1977), "ურმული" (1981), "ცხოვრება გრძელდება" (1982) და სხვ. მისი ნამუშევრები დაცულია შ. ამირანაშვილის სახელობის ხელოვნების სახელმწიფო, ბორჯომის მხარეთმცოდნეობის მუზეუმებში, ა. ჭავჭავაძისა (წინანდალი) და ი. ჭავჭავაძის  სახლ-მუზეუმებში (ყვარელი) და სხვ. ავტორია ალბომისა "ცხოვრება გრძელდება" (თანაავტ. მ. ს. მეტრეველი, მ. შ. მეტრეველი, თბ., 1983). ფერმწერი. მხატვარ მარგარიტა მეტრეველის (აწყვერელი) მეუღლე.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; სოლომონ არტ გალერეა: solomonartsgallery.com

• 1963 - საქართველოს დამსახურებული მხატვარი