არსენ ბებუთოვი

დაბადების ადგილი: ქ. ტფილისი.

დაამთავრა ტფილისის თავად-აზნაურთა გიმნაზია.

1854 წლიდან მსახურობდა სამოქალაქო უწყებაში. ყირიმის ომის (1853-1856წწ.) მონაწილე. 1856 წლიდან მსახურობდა პრაპორშჩიკად 21-ე საარტილერიო ბრიგადაში; 1868-1869წწ. კაპიტნად დაღესტნის სამხედრო ოლქში; 1874 წელს არტილერიის პოდპოლკოვნიკის წოდებით დაინიშნა დაღესტნის ოლქის უფროსის კანცელარიის უფროსის თანაშემწედ; 1875-1877წწ. მსახურობდა დაღესტნის ოლქის თემირ-ხან-შურას ოლქის უფროსად; მონაწილეობდა (1877-1878) რუსეთ-ოსმალეთის ომში; 1882 წლის 6 დეკემბერს მიენიჭა პოლკოვნიკის სამხედრო წოდება; 1883-1884წწ. მსახურობდა დაღესტნის ოლქის, ანდიის ოლქის უფროსად; 1885-1888წწ. იმიერკასპიის ოლქის, მანგიშლაკის სამაზრო სამმრთველოს უფროსად; 1888-1890წწ. იმიერკასპიის ოლქის, კრასნოვოდსკის სამაზრო სამმართველოს უფროსად. ირიცხებოდა ტფილისის სომხურ-გრიგორიანული სასულიერო სასწავლებლის მზრუნველთა საბჭოს წევრად და ტფილისის საქალაქო საკრედიტო საზოგადოების სამეთვალყურეო საბჭოს წევრად. 1897-1907წწ. არჩეულ იქნა ტფილისის საქალაქო სათათბიროს წევრად. იყო "უპოვართა სახლის" მშენებლობის კომისიის თავმჯდომარე. გენერალ-მაიორი (1893).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.47

• 1884 - წმინდა ვლადიმირის III ხარისხის ორდენი
• 1881 - ოქროს იარაღი (სიმამაცისთვის)
• 1880 - წმინდა ვლადიმირის IV ხარისხის ორდენი
• 1875 - წმინდა ანას II ხარისხის ორდენი
• 1870 - წმინდა სტანისლავის II ხარისხის ორდენი
• 1867 - წმინდა ანას III ხარისხის ორდენი
• 1859 - წმინდა ანას IV ხარისხის ორდენი