დავით ბებუთოვი

დაბადების ადგილი: ქ. ტფილისი.

გენერალ ვასილ ბებუთოვის ძმა. დაამთავრა ტფილისის გიმნაზია და სტავროპოლის იუნკერთა კაზაკთა სასწავლებელი.

ჯარში მსახურობდა 1872 წლიდან. 1878 წლიდან ოფიცრად. მონაწილეობდა რუსეთ-ოსმალეთის (1877-1878) და პირველ მსოფლიო (1914-1918) ომებში. 1910 წლის 6 დეკემბერს მიენიჭა პოლკოვნიკის სამხედრო წოდება. 1913 წლამდე მსახურობდა კავკასიის მე-II საარმიო კორპუსის, კავკასიის კავალერიის დივიზიის, ტვერის დრაგუნთა მე-16 პოლკის მეთაურად. 1913 წელს გადადგა სამხედრო სამსახურიდან მუნდირით და პენსიონით. სამსახურში წარჩინებისათვის დაჯილდოებული იყო ორდენებით. გენერალ-მაიორი (1917).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.54

• 1909 - წმინდა სტანისლავის III ხარისხის ორდენი
• 1899 - წმინდა ანას III ხარისხის ორდენი