რებეკა

რებეკა მონაზვნის დაკვეთით გაბრიელ მთავარდიაკონს გადაუწერია "ჟამნი", რომელმაც შემოინახა ხელნაწერის დამკვეთის ანდერძი: "მე ფრიად ცოდვილმან რებეკა მონაზონმან, ვიგულეთ და ვიგულმოდგინეთ და აღვაწერინეთ წმიდა ესე და სულთა განმანათლებელი ჟამნი სრული სულისა ჩუენისა სახსრად და საოხვად, ვინცა შენდობით მომიხსენო, თქეუენცა მოგიხსენოს ღმერთმან. ამინ". რებეკას ვინაობის ამსახველ ცნობებს ხელნაწერი არ შეიცავს. რა ერქვა ადრე ამ მანდილოსანს, რა იყო მიზეზი იმისა, რომ თავის თავს ცოდვილს უწოდებდა, არ არის ცნობილი. იგი XVI-XVII საუკუნეების მოღვაწე უნდა იყოს. მონაზონი.

წყარო: ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.90