სოლომონ ბექთაბეგოვი

დაბადების ადგილი: ქ. ტფილისი.

სამხედრო სამსახურში შევიდა 1817 წელს, მე-20 საარტილერიო ბრიგადაში იუნკერად. 1823 წლის 7 თებერვალს მიენიჭა პრაპორშჩიკის სამხედრო წოდება. მსახურობდა ლიტვის ცალკეული კორპუსის, გრენადერთა 1-ლ საარტილერიო ბრიგადაში, და იქნა დატოვებული სანქტ-პეტერბურგში, საარტილერიო სასწავლებელში განათლების მისაღებად. 1825 წელს გადმოიყვანეს კავკასიაში, 21-ე საარტილერიო ბრიგადაში და მიიღო მონაწილეობა 1826 წლის კამპანიაში სპარსეთის წინააღმდეგ. 1827 წელს ჩარიცხული იქნა მე-2 საარტილერიო ბრიგადაში. შემდეგ იბრძოდა ამიერკავკასიაში თურქთა წინააღმდეგ. 1830 წელს დაწინაურდა ყაბარდოს ლაშქრობაში, შემდეგ იბრძოდა ლეკთა წინააღმდეგ ჭარ-ბელაქნის ოლქში. 1834 წელს საბრძოლო დამსახურებისათვის მთიელთა წინააღმდეგ, მიიღო შტაბს-კაპიტნის და კაპიტნის სამხედრო წოდებები. 1836 წელს მიენიჭა პოლკოვნიკის წოდება. 1848 წელს დაინიშნა კავკასიის ცალკეული კორპუსის არტილერიაში. მონაწილეობდა ყირიმის (1853-1856) (აღმოსავლეთის) ომში და ლაშქრობებში კავკასიაში. 1857 წელს მიწერილ იქნა კავკასიის არმიასთან პოლიტიკური შეხედულობების დარგში. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. გენერალ-მაიორი (1848).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.62-63; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1858 - წმინდა სტანისლავის I ხარისხის ორდენი
• 1851 - წმინდა ვლადიმირის III ხარისხის ორდენი
• 1847 - წმინდა გიორგის IV ხარისხის ორდენი
  25-ან წლიანი უმწიკვლო სამსახურისთვის
• 1831 - წმინდა ანას IV ხარისხის ორდენი (წარწერით "მამაცობისათვის")