ალექსანდრე მინდაძე

დაბადების ადგილი: ქ. მოსკოვი.

დაამთავრა კინემატოგრაფიის საკავშირო სახელმწიფო ინსტიტუტის სასცენარო ფაკულტეტი 1972 წელს.

მისი სცენარების მიხედვით გადაღებულია ფილმები: "სიტყვა დაცვისათვის" (1977; იმავე წელს საკავშირო კინოფესტივალის პრიზი საუკეთესო სცენარისთვის; სსრკ ლენინური კომკავშირის პრემია, 1979), "მოსახვევი" (1978), "მელიებზე ნადირობა" (1980), "გაჩერდა მატარებელი" [1982, სან-რემოს (იტალია) საავტორო ფილმების საერთაშორისო კინოფესტივალის პრიზი საუკეთესო სცენარისთვის; ძმები ვასილიევების სახელობის რსფსრ სახელმწიფო პრემია, ორივე 1984], "პლანეტების აღლუმი" (1984), "პლუმბუმი, ანუ სახიფათო თამაში" (1986; იმავე წელს სენატის ოქროს მედალი ვენეციის საერთაშ. კინოფესტივალზე), "მსახური" (1988; რუსეთის კინოაკადემიის პრემია "ნიკა" საუკეთესო სცენარისთვის, 1989; სსრკ სახელმწ. პრემია), "პიესა მგზავრისთვის" (1995; იმავე წელს – ბერლინის საერთაშორისო კინოფესტივალის პრიზი "ვერცხლის დათვი"), "ჟამი მოცეკვავისა" (1997; რუსეთის კინომცოდნეთა და კინოჟურნალისტთა პრემია "ოქროს ვერძი", პრემია "ნიკა" საუკეთესო სცენარისთვის, ორივე 1997; ყველა ფილმის რეჟ. ვ. აბდრაშიტოვი), "მამუკა" (ა. გრებნევთან ერთად, რეჟ. ე. გინზბურგი, 2001), "ტრიო" (რეჟ. ა. პროშკინი, 2003), "მაგნიტური ქარიშხლები" (რეჟ. ვ. აბდრაშიტოვი, 2003; იმავე წელს პრემია "ოქროს ვერძი", პრემია "ნიკა" საუკეთესო სცენარისთვის), "კოსმოსი, როგორც წინათგრძნობა" (რეჟ. ა. უჩიტელი, 2005; იმავე წელს პრემია "ოქროს ვერძი" და "ოქროს არწივი" საუკეთესო სცენარისთვის) და სხვ. როგორც რეჟისორმა საკუთარი სცენარებით გადაიღო ფილმე­ბი: "განტვირთვა" (2007; იმავე წელს რუსეთის კინომცოდნეთა და კინოკრიტიკოსთა გილდიის პრემია "თეთრი სპილო" საუკეთესო სცენარისა და სარეჟისორო დებიუტისთვის), "შაბათ დღეს" (2010; პრემია "ოქროს არწივი", 2011), "საყვარელი ჰანსი, ძვირფასი პიოტრი" (2015; პრემია "ოქროს არწივი", 2016; პრემია "ნიკა" საუკეთესო მხატვრული ფილმისთვის და სცენარისთვის; რუსეთის კინომცოდნეთა და კინოჟურნალისტთა ეროვნული პრემია "თეთრი სპილო" საუკეთესო ფილმის, სცენარისა და რეჟისურისთვის, ყველა 2016) და სხვ. მიღებული აქვს ეროვნული და საერთაშორისო კინოპრემიები კინემატოგრაფში შეტანილი განსაკუთრებული წვლილისთვის. კინორეჟისორი. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1991 - სსრკ სახელმწიფო პრემია
• 1984 - რსფსრ ხელოვნების დამსახურებული მოღვაწე