მარიამ ერისთავი-ბაგრატიონი

ნათანაელ ბედისმწერლიშვილმა 1691 წელს რევაზ ერისთავის ასულისა და ვასტანგ მეხუთის (1658-1675) ვაჟის ლუარსაბის თანამეცხედრის მარიამის ბრძანებით გადაწერა "დავითნი". ამის შესახებ მოხსენიებულია გადამწერის ანდერძში: "ნებითა ღმრთისაითა ხელ ვჰყავ მე ყოველთა კაცთა უნარჩევესმან ბაღდადისძემან ბედისმწერლიშვილმან... ნათანაელ წმიდა ესე დავითი აღწერად პატრონისა რევაზ ერისთვის ასულისა და თანამეცხედრისა ძისა შაჰნაოზ მეფის ლუარსაბისა მარჯუენით მჯდომარისა ბატონის მარიამისათა... შენდობა ყავთ მწერლისათვის. ღმერთმან იცის, სიკეთესა და სიმართლეს მოვიჭირვე. რაიცა ოდენ ძალ მედვა და რაიცა დედასა ეწერაი, სხუა მეტი არა დამიწერია რა, არცა რა ჩამირთავს... საცა გასაკეთებელი იყო, ორჯელ ჩავამოწმე და ისრე გამიმართებია".

წყარო: ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.95