ალექსანდრე კარგანოვი

დაბადების ადგილი: ქ. ტფილისი.

დაამთავრა პავლოვსკის კადეტთა კორპუსი 1853 წელს და გენერალური შტაბის აკადემია 1858 წელს.

მონაწილეობდა 1853-1856წწ. ყირიმისა და 1877-1878წწ. რუსეთ-ოსმალეთის ომებში. 1868 წლისთვის - სამარის 147-ე ქვეითი პოლკის მაიორი; 1870 წლისთვის - ტაშკენტის საორგანიზაციო კომისიის წევრი და ზარავშანსკის ოლქის კატიკურგანტსკის განყოფილების ხელმძღვანელი; 1870 წელს დაინიშნა 34-ე ქვეითი დივიზიის შტაბის უფროსად. 1871 წელს მიენიჭა პოლკოვნიკის სამხედრო ჩინი. 1877 წელს დანიშნეს ოხოტსკის 43-ე ქვეითი პოლკის მეთაურად; 1883 წელს ირიცხებოდა გენერალური შტაბის თადარიგში. 1884 წლიდან - პრიამურსკის სამხედრო ოლქის შტაბის უფროსი. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. გენერალ-მაიორი (1884). 

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.68

• 1888 - წმინდა ანას I ხარისხის ორდენი
• 1886 - წმინდა სტანისლავის I ხარისხის ორდენი
• 1879 - წმინდა ვლადიმირის III ხარისხის ორდენი (მახვილებით)
• 1873 - წმინდა ანას II ხარისხის ორდენი
• 1869 - წმინდა ვლადიმირის IV ხარისხის ორდენი
• 1865 - წმინდა ანას III ხარისხის ორდენი
• 1855 - წმინდა ანას IV ხარისხის ორდენი