ელენე მირზიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1983 წელს.

1984-1985წწ. თბილისის სახელმწიფო სამედიცინო ინსტიტუტის ოფთალმოლოგიის კათედრის კლინიკური ორდინატორი; 1988-1989წწ. თბილისის ექიმთა დახელოვნების სახელმწიფო სამედიცინო ინსტიტუტის ასპირანტია ოფთალმოლოგიის განხრით; 1989-2007წწ. თბილისის სახელმწიფო სამედიცინო აკადემიის თვალის მიკროქირურგიის განყოფილების მეცნიერ-თანამშრომელი, ხოლო შემდეგ, ამავე აკადემიის თვალის სნეულებათა კათედრის ასისტენტი; 2007 წლიდან საქართველოს ოფთალმოლოგიური ცენტრის ბაზაზე თსსუ-ს პედაგოგი ოფთალმოლოგიის განხრით; არის "ნიუ ჰოსპიტალის" ოფთალმოლოგიური სამსახურის ექიმი-ოფთალმოლოგი, ასრულებს ამბულატორიულ ოპერაციებს და ატარებს კომპლექსურ თერაპიულ მკურნალობას; უმაღლესი კატეგორიის ექიმი-ოფთალმოლოგი (2001); კითხულობს ლექციების კურსს და ატარებს პრაქტიკულ მეცადინეობებს თსსუ-ს სტუდენტებთან, რეზიდენტებთან და ექიმ-მსმენელებთან; არის 35 ნაბეჭდი სამეცნიერო ნაშრომის ავტორი, რომელთა შორის ერთი რაციონალიზატორული წინადადებაა, მეორე, კი, მეთოდური რეკომენდაცია; მიღებული აქვს 20 სერთიფიკატი ოფთალმოლოგიის განხრით, რომელიც მიღებული აქვს საერთაშორისო სამეცნიერო კონფერენციებზე აქტიური მონაწილეობისათვის: ლაზერის თემა (2002); გლაუკომა, ფარმაკოლოგია და ქირურგიის თანამედროვე ასპექტები (2003); ვიტრეო-რეტინალური ქირურგია (2008); მხედველობის ორგანოს დაავადებები და ტრავმული დაზიანებები (იგი, ამავე დროს თანახელმძღვანელია, 2008); სისტემატურად მონაწილეობს საერთაშორისო სამეცნიერო კონფერენციებში (2000 წელი, ქ. თბილისი, 2005 წელი, ქ. ჰელსინკი, 2006 წელი თბილისი და სხვა). უმაღლესი განათლებისა და მეცნიერების სამინისტროს არსებული კანონის მიხედვით მიენიჭა მედიცინის მეცნიერებათა დოქტორის წოდება (2004). პრაქტიკოსი ექიმი-ოფთალმოლოგი.

საკანდიდატო დისერტაციის თემა - "ულტრაიისფერი სხივებით დასხივებული სისხლის გავლენა თვალის მიკროცირკულაციაზე", დაიცვა 1989 წელს. 

წყარო: საქართველოს სამედიცივნო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010 გვ.911-912

• საქართველოს ოფთალმოლოგთა ასოციაცია, წევრი