დიმიტრი ოგანეზოვი

დაბადების ადგილი: ქ. ტფილისი.

ჯარში მსახურობდა 1855 წლიდან. მონაწილეობდა 1853-1856წწ. ყირიმის (აღმოსავლეთ) ომში და 1859 წლის კამპანიებში; 1858 წლიდან - პრაპორშჩიკი; 1859 წლიდან - პოდპორუჩიკი; მონაწილეობდა 1860-1864წწ. და 1866 წლების ბრძოლებში; 1862 წლიდან - პორუჩიკი; 1867 წლიდან - შტაბს-კაპიტანი; 1873 წლიდან - კაპიტანი; 1877-1878წწ. რუსეთ-თურქეთის ომის მონაწილე; 1878 წლიდან - მაიორი და პიატიგორსკის 151-ე ქვეითი პოლკის ბატალიონის მეთაური; 1881 წლიდან - პოდპოლკოვნიკი. 11 წელი და 11 თვე იყო ბატალიონის მეთაური; 1890 წლიდან - პოლკოვნიკი და სვეაბორგის ციხე-სიმაგრის ქვეითი ბატალიონის მეთაური ფინეთში; 1897 წელს გადადგა სამსახურიდან გენერალ-მაიორის ჩინით. გარდაიცვალა სვეაბორგის ციხე-სიმაგრეში, ფინეთში. გენერალ-მაიორი.

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.79

• 1893 - წმინდა ვლადიმირის III ხარისხის ორდენი
• 1886 - წმინდა ანას II ხარისხის ორდენი
• 1878 - წმინდა ვლადიმირის IV ხარისხის ორდენი (ხმლებითა და ბაფთით)
• 1878 - წმინდა სტანისლავის II ხარისხის ორდენი
• 1866 - წმინდა ანას III ხარისხის ორდენი
• 1864 - წმინდა სტანისლავის III ხარისხის ორდენი (ხმლებითა და ბაფთით)