გივი ამილახვარი

ქართლის დიდი ფეოდალი. ზემო ქართლის სადროშოს სარდალი და 1656-1696წწ. გორის მოურავი; ვახტანგ V-ისა და არჩილ II-ის პოლიტიკის მიმდევარი. ირანში ახლდა ჯერ არჩილ II-ს, 1662 წელს კი თეიმურაზ I-ს; 1667 წელს ცოლად მოიყვანა ვახტანგ V-ის ასული თამარი. სპარსეთის წინააღმდეგ აქტიური მებრძილი-1688 წელს მონაწილეობა მიიღო გიორგი XI-ის აჯანყებაში სპარსეთის წინააღმდეგ, ხოლო 1690-1691 წლებში ის ცდილობდა ქართლის აჯანყებას ერეკლე I-ის წინააღმდეგ და მხარს უჭერდა გიორგი XI-ს. აჯანყების დამარცხების შემდეგ თავი შეაფარა რაჭას. გარდაიცვალა იქვე.

წყარო: ქართული საბჭოთა ენციკლოპედია: ტ.1.- თბ., 1975.-გვ.391